شاہ عمران حسن، نئی دہلی 

ہندوستان کی تاریخ میں عظیم ہیروز، جنگجوؤں اور رہنماوں کی کوئی کمی نہیں ہے۔ صدیوں سے بہادر بیٹے ہندوستان میں جنم لیتے رہے ہیں اور اپنی ہمت کا لوہا منوا رہے ہیں۔ ہم ہندوستانی ایسے ہزاروں ہیروز کے بارے میں اچھی طرح جانتے ہیں۔ لیکن ملک میں کئی ایسے ہیرو گزرے ہیں، جو بھول بھلیوں کے اندھیروں میں کہیں کھو گئے اور ان کے بارے میں زیادہ کچھ نہیں بتایا گیا۔ وزیر اعظم نریندر مودی کی قیادت میں بی جے پی حکومت نے ایسے کئی ہیروز کو سامنے لایا۔ 

 وزیراعظم نریندر مودی نے آج ریاست آسام کے مشہور جنگجو اور بہادر لاچت بورفوکن کی 400 ویں یوم پیدائش کے موقع پر انہیں قومی ہیرو قرار دیتےہوئے کہا کہ لاچتبورفوکن ہندوستان کا فخر ہے۔ ہم سب مغلوں کے خلاف ان کی بہادری سے متاثر ہیں۔ یہ پہلا موقع نہیں جب کسی بھولی ہوئی شخصیت کو یاد کرکے انہیں قومی ہیرو کا درجہ دیا گیا ہے۔

وزیراعظم نریندرمودی کی یہ کوشش رہی ہے کہ گمنام ہیروز کو مناسب احترام ملے۔ بہادر جنگجو لاچت بورفوکان کی 400ویں سالگرہ کا پروگرام بھی انہی کوششوں کا ایک حصہ ہے۔ لاچت بورفوکن پہلے ایسے ہیرو نہیں ہیں، جنہیں بی جے پی نے ہندوستانی عوام کے درمیان دوبارہ قائم کیا ہے۔اگردیکھا جائے تو پچھلے کچھ سالوں میں بی جے پی نے ایسے کئی ہیروز کو آئیکون کے طور پر پیدا کیا ہے۔ان میں قبائلی برادری کے ہیرو بھی شامل ہیں۔

لاچت بورفوکن

وزیراعظم نریندر مودی سابق آہوم بادشاہی کے جنرل اور بہادر جنگجو لاچت بورفوکن کے 400 ویں یوم پیدائش پر منعقدہ سال بھر کے پروگراموں کی اختتامی تقریب میں پہنچے۔اس سال لاچت بورفوکن کے اعزاز میں کئی پروگرام منعقد کیے گئے۔آسام کی تاریخ میں لاچت کا مقام اہم رہا ہے۔ لاچت کوان کی بہادری اور موثر قیادت کے لیے یاد کیا جاتا ہے۔

1671 میں سرائیگھاٹ کی لڑائی میں، آہوم سلطنت کے کمانڈر لاچت نے بہترین سمجھداری کا مظاہرہ کیا تھا۔ رام سنگھ اول کی قیادت میں مغل افواج کی آسام میں کامروپ پر دوبارہ قبضہ کرنے کی کوشش کو ناکام بنا دیا گیا۔ یہ لاچت بورفوکن تھے جنہوں نے مغل سلطنت کو ہلا کر رکھ دیا تھا۔

 گووند گرو، مان گڑھ

یکم نومبر کو وزیراعظم نریندرمودی راجستھان کے مان گڑھ گئے، جس کی سرحدیں گجرات اور مدھیہ پردیش سے بھی ملتی ہیں۔ مان گڑھ بھیل کویتوروں کی بے مثال ہمت اور اٹوٹ اتحاد کا گواہ ہے۔ وہ کویتور جنہوں نے کبھی برطانوی راج کے آگے سرنہیں جھکایا بلکہ انگریزوں کو ناکوں چنے چبوائے۔ یہ اتحاد 109 سال پہلے گووند گرو کی قیادت میں قائم ہوا تھا، جو بنجارہ سماج، لمباڈا سے آتے ہیں۔

انگریزوں کے خلاف تحریک کے دوران مان گڑھ پہاڑ پر قبائلی جمع ہوئے تھے۔ جلیان والہ باغ کی طرح یہاں بھی انگریزوں نے گولیاں برسائیں جس میں 1500 قبائلی شہید ہوئے۔ مودی ان شہیدوں کو خراج عقیدت پیش کرنے آئے تھے۔ 

برسا منڈا 

یہ ایک سال پہلے کی بات ہے۔ نومبر2021 میں وزیراعظم نریندرمودی جھارکھنڈ کی راجدھانی رانچی پہنچے۔ برسا منڈا کی یاد میں ایک میوزیم کی نقاب کشائی۔ وہیں انہوں نے اعلان کیا کہ قبائلی فخر کا دن ہر سال 15 نومبر کو برسا منڈا کے یوم پیدائش پر منایا جائے گا۔ برسا منڈا کو قبائلیوں کے لیے 'دیوتا' کا درجہ رکھتے ہیں۔

انہوں نے قبائلیوں کو برطانوی راج کے خلاف متحد کیا تھا اور کمان اور تیر کے سہارے انگریزوں پر گولیوں اور بندوقوں سے غلبہ حاصل کیا تھا۔

رانی کملا پتی

ہندوستان ہیروز اور ہیروئنوں کی سرزمین ہے۔ رانی کملا پتی ان ہیروئنز میں سے ایک تھیں۔ وہ 18ویں صدی کی گونڈ کی ملکہ تھیں۔ وہ نظام شاہ کی 7 بیویوں میں سب سے خوبصورت اور بہادرملکہ تھیں۔  باری پر نظام کے بھتیجے عالم شاہ کی حکومت تھی۔ اس نے اپنے چچا کو زہر دے کر مار ڈالا اور کملا پتی کو ملکہ بننے کی پیشکش کی۔

بہادرکملا پتی نیک تھی۔انہوں نے دوست محمد خان کی مدد سے عالم شاہ کو قتل کرایا اور اس طرح اپنے شوہر کے قتل کا بدلہ لیا۔ گزشتہ سال مدھیہ پردیش کی راجدھانی بھوپال میں وزیراعظم نریندرمودی نے قبائلی فخرپروگرام میں حبیب گنج اسٹیشن کا نام رانی کملا پتی ریلوے اسٹیشن رکھنے کا اعلان کیا تھا۔ اس طرح انہوں نےایک بار پھررانی کملا پتی کو عام لوگوں میں ایک آئیکون کے طور پر قائم کیا۔

  نداپربھو کیمپے گوڑا

اس مہینے کی 11 تاریخ کو وزیر اعظم مودی نے بنگلورو کے بانی نداپربھو کیمپے گوڑا(Nadaprabhu Kempegowda ) کے 108 فٹ اونچے مجسمے کی نقاب کشائی کی۔نداپربھو 16ویں صدی میں وجئے نگر سلطنت کے سربراہ اور بنگلور کے بانی کے طور پر بھی جانے جاتے ہیں۔ وہ وہی تھے جنہوں نے موراسو گوڈا کے لوگوں کے ذریعہ دیوارو کے دوران غیر شادی شدہ خواتین کی آخری دو انگلیاں کاٹنے کے رواج کو روکا۔

انہوں شیونا سمندر کی طرف شکار مہم کے دوران شہر قائم کرنے کا خیال آیا۔ 56 سال حکومت کرنے کے بعد 1569 میں ان کا انتقال ہوا۔ ان کے مجسمے کی نقاب کشائی وزیراعظم نریندر مودی نے کی تھی جسے خوشحالی کا مجسمہ کہا جاتا ہے۔

تانتیا بھیل عرف تانتیا ماما

مدھیہ پردیش کی سیاست میں قبائلیوں کا ایک اہم مقام ہے، ان میں قبائلی رہنما تانتیا بھیل عرف تانتیا ماما کا اہم مقام ہے۔

 تانتیاماما نے آدیواسیوں کو بیدار کرنے کے لیے قدم اٹھایا۔ تانتیاماما نے 150 سال پہلے جل جنگل کی زمین کو بچانا شروع کیا تھا۔

 صاحبزادے زوراور سنگھ اور فتح سنگھ

اس سال جنوری میں پی ایم مودی نے گرو گوبند سنگھ جی کے پرکاش پرو پر ایک اہم اعلان کیا تھا۔ گرو گوبند سنگھ کے دو صاحبزادوں کے یوم شہادت پر ہر سال 26 دسمبر کو 'ویر بال دیوس' منانے کا اعلان کیا۔ سکھوں کے دسویں گرو گوبند سنگھ جی کے چار بیٹے تھے۔ 1704 میں گرو گوبند سنگھ سکھوں کے ساتھ چمکور کے قلعے سے گزر رہے تھے، مغلوں کی فوج کو توڑ رہے تھے۔ سرسا ندی کو عبور کرتے ہوئے وہ اپنے دو صاحبزادوں بیٹوں زوراور سنگھ اور فتح سنگھ سے بچھڑ گئے۔

دونوں صاحبزادے پکڑے گئے۔ سرہند کے نواب نے دونوں کو اسلام قبول کرنے کو کہا لیکن دونوں صاحبزادوں نے اسلام قبول نہیں کیا۔ وہ تاریخ تھی - 26 دسمبر 1704، جب یہ دونوں دیوار میں زندہ دفن کردیے گئے۔ ان دونوں ہیروز کی یاد میں پی ایم مودی نے کہا کہ صاحبزادہ زوراور سنگھ جی اور صاحبزادہ فتح سنگھ جی کی شہادت کی یاد میں اس سال سے 26 دسمبر کو 'ویر بال دیوس' کے طور پر منایا جائے گا۔