ساقب سلیم

بھارتی فوج کی تعداد ملک کی کل آبادی کا صرف 0.1 فیصد ہے۔ جب دشمن بھارت کے خلاف حکمتِ عملی بناتے ہیں، تو وہ انہی مسلح افواج کو اصل دشمن سمجھتے ہیں۔ یہ سوچ کچھ حد تک درست بھی لگتی ہے، کیونکہ بھارت میں اسرائیل کی طرح عام شہریوں کے لیے لازمی فوجی تربیت نہیں ہے۔ لیکن کیا جذبہ اور وطن سے محبت صرف منطق کے تابع ہوتے ہیں؟

بھارت کے شہریوں نے کئی بار ثابت کیا ہے کہ بغیر فوجی تربیت کے بھی وہ دشمن سے لڑ سکتے ہیں۔ پاکستان کے ساتھ جنگوں کے دوران کچھ ایسے شہریوں کو بہادری کے اعلیٰ اعزازات دیے گئے، جنہوں نے ثابت کیا کہ ملک سے محبت کسی تربیت کی محتاج نہیں۔

23 جون 1948 کو زوجیلا پاس (15,500 فٹ کی بلندی) پر پاکستانی فوج قابض تھی۔ بھارتی فوج کی 15 پٹیالہ رجمنٹ کے ہر دیال سنگھ کو رات کے وقت اُس چوکی پر حملہ کرنے کا حکم دیا گیا۔ کوشش کے دوران ہر دیال کے پھیپھڑوں میں گولی لگ گئی اور وہ زخمی حالت میں دشمن کی چوکی کے قریب گِر پڑے،۔ باقی فوجی پیچھے ہٹ گئے اور دشمن نے سمجھا کہ ہر دیال مر چکے ہیں۔ فوجی کیمپ نے اُسے بچانے کی کوشش کی۔ اس وقت محمد اسماعیل، ایک مقامی قلی نے ، جو رضاکار کے طور پر فوج کی مدد کر رہا تھا،  ہر دیال کو واپس لانے کی اجازت مانگی۔ کمانڈر کو شک تھا کہ بغیر کسی فوجی تربیت کے وہ کیسے دشمن کی گولیوں کے درمیان اتنی بلندی تک جا پائے گا؟ لیکن اسماعیل نے یقین دلایا کہ وہ یہ کام کر سکتا ہے۔

اسماعیل دشمن کی گولیوں کی پروا کیے بغیر چڑھائی چڑھا اور زخمی ہر دیال تک پہنچا۔ سرکاری ریکارڈ کے مطابق کہ اس شہری مزدور نے ناقابلِ عبور چڑھائی پر دشمن کی مشین گنوں کی گولیوں کے باوجود غیرمعمولی مہارت کا مظاہرہ کیا۔ کئی بار دشمن کی نظر میں آنے پر وہ بے حس و حرکت لیٹ گیا، اور مردہ سمجھا گیا، لیکن آخرکار وہ زخمی فوجی تک پہنچا، اُسے کمبل میں لپیٹا اور محفوظ مقام پر لے آیا۔ یہ بہادری کا ایک شاندار مظاہرہ تھا جس نے اُسے ہیرو بنا دیپ دیا-

14 ستمبر 1948 کو اسماعیل نے ایک اور کمپنی کو دشمن کی چوکی کی طرف رہنمائی دینے کی پیشکش کی۔ انہیں معلوم تھا کہ پاکستانی فوج اُس پہاڑی پرپوزیشن میں ہے، لیکن اُس نے خطرہ مول لیا۔ دورانِ لڑائی وہ دشمن کے قریب پہنچا اور قیدی بنا لیا گیا۔

اسماعیل کی بہادری پر بھارت نے اُسے مہاویر چکر سے نوازا — جو عام شہریوں کو بہت خاص حالات میں دیا جاتا ہے۔ مہاویر چکر پانے والے 213 افراد میں سے صرف دو شہری ہیں، ایک اسماعیل اور دوسرا دھوبی رام چندر۔

یاد رہے کہ 19 جون 1948 کو زوما محمد، جو 4 کماؤں رجمنٹ کے ساتھ قلی کے طور پر کام کر رہا تھا، لیفٹیننٹ کرنل ایم ایم کھنہ کے ساتھ تھا۔ دشمن نے گھات لگا کر حملہ کیا اور زیادہ تر فوجی مارے گئے۔ زخمی کھنہ ایک ٹوٹی ہوئی جھونپڑی میں چھپ گیا۔

زوما محمد نے ان کی دیکھ بھال کی، اُنہیں ہوش میں رکھا اور بھارتی فوج کو بروقت اطلاع دی۔ ریکارڈ میں لکھا ہے:
"جیسے ہی دشمن پسپا ہوا، زوما محمد جھونپڑی میں آیا، زخمی افسر کو طبی مدد دی، اور اُسے اٹھا کر لے جانے کی کوشش کی۔ جب یہ ممکن نہ ہو سکا تو وہ کئی گھنٹے اُن کے ساتھ رہا، جانتے ہوئے کہ دشمن واپس آ سکتا ہے۔ اُس دوران بھی دشمن پوزیشن واپس لینے کی کوشش کرتا رہا، لیکن زوما نے افسر کا ساتھ نہیں چھوڑا۔ ہوش آنے پر کرنل کھنہ نے ایک پیغام دیا جو زوما نے خطرے کے باوجود دشمن کے علاقے سے گزرتے ہوئے پہنچایا۔"

نتیجہ یہ نکلا کہ اُس علاقے میں بھارت کو فتح حاصل ہوئی۔ کرنل کھنہ کو مہاویر چکر ملا، اور زوما محمد کو ویر چکر — جو عام طور پر شہریوں کو نہیں دیا جاتا۔تاریخ گواہ ہے کہ بھارتی مسلمان شہری، چاہے وہ تربیت یافتہ نہ ہوں، لیکن ملک پر دشمن حملہ کرے تو وہ بہادری سے لڑ سکتے ہیں۔