شیموگا : کرناٹک میں اب مسلمانوں کے ایک چھوٹے سے طبقہ نے ایک نئی پہل شروع کی ہے ،آنند پورہ کے مسلمان باشندے جمعہ کی نماز کے بعد آئین کی تمہید بلند آواز سے پڑھنے کا سلسلہ شروع کیا ہے۔۔ شیموگا کے ساگر تعلقہ میں آنند پورہ کے مسلمان باشندوں نے اپنے گاؤں کی جامع مسجد میں جمعہ کی نماز کے بعد ہندوستانی آئین کی تمہید پڑھی۔یہ بالکل نیا تجربہ تھا۔

جمعہ کو  12.30 بجے اذان کے فوراً بعد۔ جمعہ کے دن، مولانا مفتی صفیر الدین ایک مذہبی تقریر کرتے ہیں، اس کے بعد ساگر کے ایک وکیل محمد زکریا کی آئین پر گفتگو ہوتی ہے۔ جمعہ کی نماز (نماز جمعہ) کے بعد، سبھی تمہید کی کاپیاں لے کر جمع ہوتے ہیں۔ وہ محمد زکریا کے ساتھ مل جاتے ہیں، جو اسکرپٹ پڑھتے ہیں اور دوسروں کو اپنے بعد دہرانے کو کہتے ہیں۔

آنند پورہ کی جامع مسجد چار صدیوں پر محیط طویل تاریخ رکھتی ہے۔ اسے کیلاڈی حکمرانوں اور ٹیپو سلطان نے بنایا تھاجبکہ میسور کے حکمرانوں نے بھی اس جگہ کا دورہ کیا تھا۔

دراصل بہت سے لوگ شاید ہی آئین اور ان حقوق کے بارے میں جانتے ہوں جن کی یہ شہریوں کو ضمانت دیتا ہے۔ یہ ایک کوشش ہے کہ وہ آئین کو سمجھیں اور ہمارے لوگوں میں تعلیم کی اہمیت کو اجاگر کریں۔

جناب زکریا اور ان کے دوستوں نے اس اقدام کے بارے میں سوچا اور مسجد کمیٹی کے اراکین اور مولوی مولانا مفتی صفیر الدین نے اس خیال کی تائید کی۔

آئین سب کے ساتھ یکساں سلوک کرتا ہے۔ لیکن عملی طور پر ایسا نہیں ہے۔ اس لیے، ہم لوگوں کو آئین کی اہمیت کو اچھی طرح سمجھنا چاہیے اور اسے نظر انداز کرنے کی کوششوں سے بچانا چاہیے۔

ہم زمین کا احترام کرتے ہیں'

 سماجی کارکن صادق نے کہا کہ ان کے مذہب نے  وطن کا احترام کرنا سکھایا ہے۔ ہم دن میں پانچ بار سر جھکا کر زمین کا احترام کرتے ہیں۔ اسی طرح، ہم آئین کی تمہید پڑھ کر یہ بتاتے ہیں کہ ہم ملک کے قانون کا بھی احترام کرتے ہیں۔

جیسے ہی اس اقدام کی خبر پھیلی، شیموگا ضلع کی چند دیگر مساجد کمیٹیوں کے اراکین نے منتظمین سے رابطہ کیا اور ان کی تعریف کی۔

وہ کہتے ہیں کہ بہت سے لوگ مجھے دوسری جگہوں پر بھی ایسا تجربہ کرنے کی دعوت دے رہے ہیں۔ میں اس ردعمل  سے خوش ہوں۔ کوئی بھی اسے آگے لے جا سکتا ہے۔ میری خواہش ہے کہ آنے والے دنوں میں تمہید بہت سی مساجد میں پڑھی جائے اور یہ معمول کا حصہ بن جائے۔