نئی دہلی: ملک کی حفاظت صرف سرحد پر لڑی جانے والی جنگوں سے طے نہیں ہوتی، بلکہ یہ پورے ملک کے عوام کے عزم اور یکجہتی سے طے ہوتی ہے۔ وزیرِ دفاع راج ناتھ سنگھ نے 1965 کی جنگ کے سپاہیوں سے گفتگو کے دوران یہ بات کہی۔

۔ 1965 کی ہند -پاک جنگ کے جانبازوں کے ساتھ گفتگو میں وزیر دفاع راج ناتھ سنگھ نے کہا: "ہندوستان اپنے پڑوسیوں کے ساتھ تعلقات کے معاملے میں خوش قسمت نہیں رہا ہے… لیکن ہم نے اسے اپنی تقدیر نہیں مانا۔ ہم نے اپنی تقدیر خود لکھی ہے… اس کی ایک مثال آپریشن سندور ہے۔"

وزیر دفاع نے کہا کہ ہم پہلگام کے خوفناک واقعات کو نہیں بھولے ہیں اور جب بھی انہیں یاد کرتے ہیں، ہمارا دل بوجھل ہو جاتا ہے اور ذہن غصے سے بھر جاتا ہے۔ وہاں جو کچھ ہوا، اس نے ہم سب کو جھنجھوڑ کر رکھ دیا، لیکن اس واقعے نے ہمارے حوصلے کو توڑ نہیں پایا۔

راج ناتھ سنگھ نے کہا: "ہمارے وزیر اعظم نے دہشت گردوں کو ایسا سبق سکھانے کا عزم کیا جس کا انہوں نے کبھی تصور بھی نہیں کیا ہوگا۔ ہم نے آپریشن سندور شروع کیا اور اپنے دشمنوں کو دکھا دیا کہ ہمارا عزم کتنا مضبوط اور طاقتور ہے۔ ہماری پوری ٹیم نے جو ہم آہنگی اور کرشمہ دکھایا، اس نے یہ ثابت کر دیا کہ جیت اب کوئی استثنا نہیں رہی۔ جیت ایک عادت بن گئی ہے اور ہمیں اس عادت کو ہمیشہ قائم رکھنا چاہیے۔

#WATCH | Delhi: Union Defence Minister Rajnath Singh says, "... No war is fought only on the battlefield, but the victory achieved in war is the result of the collective resolve of the entire nation. In that difficult time of 1965, when there was uncertainty and challenges all… pic.twitter.com/UwvDfB80sf

— ANI (@ANI) September 19, 2025

مرکزی وزیر دفاع نے کہا: "... کوئی بھی جنگ صرف میدانِ جنگ میں نہیں لڑی جاتی، بلکہ جنگ میں حاصل ہونے والی کامیابی پورے قوم کے اجتماعی عزم کا نتیجہ ہوتی ہے۔ 1965 کے اُس کٹھن وقت میں، جب چاروں طرف بے یقینی اور چیلنجز تھے، ملک نے لال بہادر شاستری کی مضبوط قیادت میں اُن چیلنجز کا سامنا کیا۔

شاستری جی نے اُس دور میں نہ صرف فیصلہ کن سیاسی قیادت فراہم کی بلکہ پورے ملک کے حوصلے کو بھی نئی بلندیوں تک پہنچایا۔ انہوں نے ایک نعرہ دیا جو آج بھی ہمارے دلوں میں گونجتا ہے: ’جے جوان، جے کسان‘۔ اس ایک نعرے میں ہمارے بہادر جوانوں کے احترام کے ساتھ ساتھ ہمارے اناج پیدا کرنے والے کسانوں کا فخر بھی شامل تھا۔"