نئی دہلی: اتر پردیش کے وزیر اعلیٰ یوگی آدتیہ ناتھ بدھ کی صبح کاشی پہنچے، جہاں انہوں نے بابا وشوناتھ دھام اور کاشی کوتوال بابا کال بھیرَو کے دربار میں حاضری دی اور پوجا کی۔

ایک بیان کے مطابق، وزیر اعلیٰ نے بابا کال بھیرَو مندر میں ہاتھ جوڑ کر عقیدت مندوں کا خیرمقدم بھی قبول کیا۔ کاشی کے پرمیشور بابا وشوناتھ کے دربار میں موجود عقیدت مندوں نے وزیر اعلیٰ کو دیکھ کر "ہر ہر مہادیو" کے نعرے لگائے۔

اس موقع پر ریاستی حکومت کے وزیر انل راج بھر، رویندر جیسوال، ڈاکٹر دیانشور مشرا ‘دیالو’، رکن اسمبلی ڈاکٹر نیل کنٹھ تیواری، سوربھ شریواستو، ڈاکٹر اوَدھیش سنگھ، قانون ساز کونسل کے رکن ہنس راج وشوکرما، دھرمیندر سنگھ سمیت دیگر رہنما موجود تھے۔