شمالی گوا 10 ستمبر (اے این آئی):سابق وزیر مملکت برائے خارجہ امور ایم جے اکبر نے بدھ کے روز وزیر اعظم نریندر مودی کی ’’سواتیشی خارجہ پالیسی‘‘ کی تعریف کی اور کہا کہ اس پالیسی کے باعث صدر ڈونلڈ ٹرمپ کا موڈ اور لہجہ بدل گیا ہے، خاص طور پر جب بات محصولات(tariffs) اور دیگر تجارتی رکاوٹوں پر ہوئی۔

اکبر نے قومی سلامتی مشیر(NSA) اجیت ڈوول کو وزیر اعظم کا ’’عالمی بحرانوں کا مینیجر‘‘ قرار دیتے ہوئے کہا کہ زیادہ تر مذاکرات خاموشی سے ہورہے ہیں، نہ کہ پریس کانفرنسوں کے ذریعے۔انہوں نے کہا کہ پیغام امریکہ کو دے دیا گیا ہے کہ ہندوستان’’دباؤ میں نہیں آئے گا‘‘ کیونکہ وزیر اعظم مودی نے واضح مؤقف اختیار کیا ہے۔

اکبر نے کہا کہ ٹدر ٹرمپ کے موڈ، لہجے اور زبان میں تبدیلی وزیر اعظم مودی کی سواتیشی خارجہ پالیسی کی مؤثریت کا طاقتور ثبوت ہے۔ جب وزیر اعظم مودی نے مؤقف اختیار کیا تو وہ اس سادہ حقیقت پر مبنی تھا کہ ہندوستاندباؤ میں نہیں آئے گا۔سابق وزیر نے کہا کہ یہ پیغام واشنگٹن کو صاف طور پر پہنچ گیا ہے، اور مزید کہا کہ لوگ اکثر بھارتی قوم پرستی کو کم سمجھتے ہیں۔انہوں نے کہا کہ مجھے امید ہے کہ صدر ٹرمپ کے حامی اور ان کے تجارتی حکام نے بھی وہ سن لیا ہوگا جو صدر نے کہا ہے اور اب وہ خاموشی کی خوبی کو سمجھیں گے۔ ہندوستانکے خلاف جارحانہ زبان استعمال کرنا کسی جوابی بدکلامی کا باعث نہیں بنے گا کیونکہ ہم بالغ نظر انداز اختیار کرتے ہیں، لیکن یہ رویہ نقصان دہ ضرور ثابت ہوگا۔‘‘

اکبر نے کہا کہ حالیہ دنوں میں سوشل میڈیا پلیٹ فارمزX اور ٹروتھ سوشل پر دونوں رہنماؤں کے بیانات نے بھی دونوں ملکوں کی دوستی کی تصدیق کی ہے۔ صدر ٹرمپ اور وزیر اعظم مودی کی ملاقات آئندہ چند ہفتوں میں متوقع ہے۔اجیت ڈوول کے کردار پر بات کرتے ہوئے اکبر نے کہا کہ ہم دیکھ رہے ہیں کہ وزیر اعظم کے عالمی بحران مینیجر این ایس اے اجیت ڈوول ہیں۔ میرا خیال ہے کہ جو کام خاموشی سے کیا جا رہا ہے اور پریس کانفرنسوں کے ذریعے نہیں، اس کے مثبت اثرات مرتب ہورہے ہیں کیونکہ ہندوستاناور امریکہ فطری دوست ہیں، اور یہ فطری دوستی جیسا کہ وزیر اعظم مودی کہتے ہیں، لامحدود امکانات رکھتی ہے۔‘‘

یاد رہے کہ اس سال جنوری میں این ایس اے اجیت ڈوول نے امریکی قومی سلامتی مشیر جیک سلیوان سے ملاقات کی تھی۔ بعد ازاں جب امریکہ نے روسی تیل کی خریداری پر ہندوستانکو سزا کے طور پر محصولات عائد کیے تو این ایس اے نے روسی صدر ولادیمیر پوتن سے بھی ملاقات کی۔بدھ کو وزیر اعظم مودی نے کہا کہ ہندوستاناور امریکہ کے درمیان جاری تجارتی مذاکرات ’’لامحدود صلاحیتوں‘‘ کو اجاگر کرنے میں مددگار ثابت ہوں گے۔ اس بیان سے قبل صدر ٹرمپ نے دونوں ممالک کے درمیان ’’تجارتی رکاوٹوں‘‘ کے مسئلے پر زور دیا تھا۔

وزیر اعظم مودی نےX پر لکھا کہ ہندوستاناور امریکہ قریبی دوست اور فطری شراکت دار ہیں۔ مجھے پورا یقین ہے کہ ہمارے تجارتی مذاکرات بھارت-امریکہ شراکت داری کی لامحدود صلاحیتوں کو کھولنے میں مدد کریں گے۔ ہماری ٹیمیں ان بات چیت کو جلد از جلد مکمل کرنے پر کام کر رہی ہیں۔ میں صدر ٹرمپ سے بات کرنے کا منتظر ہوں۔ ہم دونوں قوموں کے لیے ایک روشن اور خوشحال مستقبل کو یقینی بنانے کے لیے مل کر کام کریں گے۔‘‘

یہ پوسٹ صدر ٹرمپ نے بھی ری پوسٹ کی۔ٹرمپ نے بھی ایک کامیاب معاہدے تک پہنچنے کے اعتماد کا اظہار کیا اور کہا کہ وہ آنے والے ہفتوں میں وزیر اعظم مودی سے بات کرنے کے خواہاں ہیں۔ یہ بیان چند دن بعد آیا ہے جب انہوں نے بھارت-امریکہ تعلقات کو ’’بہت خاص رشتہ‘‘ قرار دیا تھا اور کہا تھا کہ وہ اور مودی ہمیشہ دوست رہیں گے اور ’’فکر کی کوئی بات نہیں‘‘۔اس وقت نئی دہلی عالمی غیر یقینی صورتِ حال کا سامنا کر رہا ہے کیونکہ امریکہ نے بھارتی درآمدات پر 50 فیصد ٹیکس عائد کر دیا ہے، اس کے علاوہ روسی خام تیل خریدنے پر مزید 25 فیصد محصول بھی لگایا گیا ہے۔ واشنگٹن کے مطابق یہ خریداری ماسکو کی یوکرین تنازع میں مددگار ثابت ہو رہی ہے۔