نیویارک

امریکہ کے صدر ڈونالڈ ٹرمپ نے ہندوستان کے ساتھ تجارتی معاہدے کو “تاریخی” قرار دیتے ہوئے کہا ہے کہ امریکہ اس ملک کے ساتھ ساتھ اُن دیگر ممالک کو بھی کوئلے کی برآمدات میں اضافہ کرے گا جن کے ساتھ اس نے تجارتی معاہدے کیے ہیں۔

بدھ کے روز “چیمپئن آف کول” کے عنوان سے منعقد ایک پروگرام سے خطاب کرتے ہوئے صدر ٹرمپ نے کہا كہ اور ہماری قیادت میں ہم ایک بڑے توانائی برآمد کرنے والے ملک بنتے جا رہے ہیں۔ صرف گزشتہ چند مہینوں میں ہی ہم نے جاپان، کوریا، ہندوستان اور دیگر ممالک کے ساتھ تاریخی تجارتی معاہدے کیے ہیں تاکہ ہمارے کوئلے کی برآمدات میں اضافہ کیا جا سکے۔

انہوں نے مزید کہا كہ ہم اب پوری دنیا میں کوئلہ برآمد کر رہے ہیں اور ہمارے کوئلے کے معیار کو دنیا میں بہترین مانا جاتا ہے۔ امریکہ اور ہندوستان نے گزشتہ ہفتے اعلان کیا تھا کہ وہ تجارت سے متعلق ایک عبوری معاہدے کے خدوخال پر اتفاقِ رائے تک پہنچ گئے ہیں، جس کے تحت نئی دہلی امریکہ کی تمام صنعتی اشیا، خوراک اور زرعی مصنوعات کی ایک وسیع رینج پر محصولات ختم کرے گا یا کم کرے گا، اور آئندہ پانچ برسوں میں 500 ارب امریکی ڈالر کی امریکی مصنوعات خریدے گا۔

جمعہ کے روز دونوں ممالک کی جانب سے جاری ایک مشترکہ بیان میں کہا گیا کہ وہ “باہمی طور پر فائدہ مند تجارت” سے متعلق ایک فریم ورک پر متفق ہو گئے ہیں۔ مشترکہ بیان کے مطابق، ہندوستان نے “اگلے پانچ برسوں میں 500 ارب ڈالر کے امریکی توانائی مصنوعات، طیارے اور طیاروں کے پرزے، قیمتی دھاتیں، ٹیکنالوجی مصنوعات اور کوکنگ کوئلہ خریدنے کے ارادے کا اظہار کیا ہے۔

بیان میں کہا گیا کہ یہ فریم ورک جامع امریکہ-ہندوستان دو طرفہ تجارتی معاہدے (بی ٹی اے) سے متعلق مذاکرات کے لیے دونوں ممالک کے عزم کی توثیق کرتا ہے۔ ان مذاکرات کا آغاز امریکہ کے صدر ڈونالڈ ٹرمپ اور وزیر اعظم نریندر مودی نے 13 فروری 2025 کو کیا تھا۔