نئی دہلی
تمل ناڈو کے وزیر اعلیٰ سی جوزف وجے جمعرات کے روز وزیر اعظم نریندر مودی کی صدارت میں منعقد ہونے والی نیتی آیوگ کی 11ویں گورننگ کونسل کی میٹنگ میں مرکزی فنڈز کی تقسیم سے متعلق مسائل اٹھا سکتے ہیں اور ریاستی و علاقائی خدشات کو اجاگر کریں گے۔
سرکاری ذرائع کے مطابق وجے اہم بنیادی ڈھانچے کے منصوبوں کے لیے فنڈز کی منظوری اور اضافی مالی وسائل کی فراہمی کا مطالبہ بھی کر سکتے ہیں۔یہ نیتی آیوگ کی گورننگ کونسل کے اجلاس میں وزیر اعلیٰ کے طور پر ان کی پہلی شرکت ہوگی۔
اس سے قبل تمل ناڈو ہاؤس پہنچنے پر ان کا استقبال ریاست کے چیف سیکریٹری ایم سائی کمار اور تمل ناڈو کے ریذیڈنٹ کمشنر آر جیا نے کیا۔وجے 12 جون کو کرناٹک کے ضلع اُڈپی میں واقع معروف کولور سری موکامبیکا مندر کا دورہ بھی کریں گے۔
مئی میں وزیر اعلیٰ کا عہدہ سنبھالنے کے بعد یہ ان کا اس قدیم اور مشہور زیارت گاہ کا پہلا سرکاری دورہ ہوگا۔
