نئی دہلی:وزیر اعظم نریندر مودی نے امتحانی پرچوں کے لیک ہونے کے معاملات میں ملوث افراد کے خلاف سخت کارروائی کا اعلان کرتے ہوئے کہا ہے کہ ملک کے نوجوانوں کی فلاح و بہبود اور ان کا مستقبل حکومت کی سب سے بڑی ترجیح ہے۔
وزیر اعظم نے سوشل میڈیا پلیٹ فارم ایکس پر جاری اپنے بیان میں کہا کہ پیپر لیک کے مقدمات میں ملوث افراد کو تیز اور سخت سزا یقینی بنانے کے لیے فاسٹ ٹریک عدالتیں قائم کرنے کا فیصلہ کیا گیا ہے۔
انہوں نے کہا کہ متعلقہ حکام اور افسران کو اس سلسلے میں تمام ضروری اقدامات فوری طور پر کرنے کی ہدایت دے دی گئی ہے۔ ان کے مطابق یہ اقدام طلبہ کے مفادات کے تحفظ اور امتحانی نظام پر اعتماد برقرار رکھنے کے لیے حکومت کی مسلسل کوششوں کا حصہ ہے۔
Nothing is more important than the welfare and future of our youth!
— Narendra Modi (@narendramodi) July 23, 2026
We have decided to set up fast-track courts to ensure swift and stringent punishment for those involved in paper leaks. Have directed the concerned authorities and officials to take all necessary steps in this…
وزیر اعظم مودی نے اپنے بیان میں واضح کیا کہ حکومت نوجوانوں کے مستقبل کے ساتھ کسی بھی قسم کا کھلواڑ برداشت نہیں کرے گی۔
انہوں نے کہا کہ "ہمارے نوجوانوں کے مستقبل کو نقصان پہنچانے کی کوشش کرنے والوں کو کسی بھی صورت بخشا نہیں جائے گا۔"
وزیر اعظم کا یہ بیان ایسے وقت سامنے آیا ہے جب ملک میں مختلف مسابقتی اور داخلہ امتحانات میں پیپر لیک کے واقعات پر طلبہ اور مختلف تنظیموں کی جانب سے سخت ردعمل دیکھنے میں آیا ہے اور امتحانی نظام میں شفافیت کو مزید مضبوط بنانے کا مطالبہ کیا جا رہا ہے۔
