نئی دہلی
صدر دروپدی مرمو اور وزیر اعظم نریندر مودی ہفتہ کے روز اڈیشہ میں 47,600 کروڑ روپے سے زائد مالیت کے ترقیاتی منصوبوں کا مشترکہ طور پر افتتاح کریں گے۔ حکام نے اس کی اطلاع دی ہے۔
صدر مرمو جمعہ کی شام اڈیشہ پہنچیں اور وہ ضلع میوربھنج کے رائرنگ پور میں منعقد ہونے والے پروگرام میں وزیر اعظم کے ساتھ شرکت کریں گی۔ یہ ایک نادر موقع ہوگا جب ملک کی دو اعلیٰ ترین شخصیات کسی ترقیاتی پروگرام میں ایک ساتھ شریک ہوں گی۔
حکام کے مطابق توانائی، صنعتی بنیادی ڈھانچے، سڑکوں، پینے کے پانی، صحت، تعلیم، سیاحت اور آبپاشی سمیت مختلف شعبوں سے متعلق ان منصوبوں کا افتتاح اڈیشہ میں بی جے پی حکومت کے دوسرے دورِ اقتدار کی سالگرہ کے موقع پر کیا جا رہا ہے۔
ایک سرکاری بیان کے مطابق ان اقدامات کا مقصد ریاست میں بنیادی ڈھانچے کو مضبوط بنانا، رابطہ نظام کو بہتر کرنا، توانائی کے تحفظ کو فروغ دینا اور روزگار کے نئے مواقع پیدا کرنا ہے۔
بیان میں کہا گیا ہے کہ وزیر اعظم کے جامع اور ہمہ گیر ترقی کے وژن کی عکاسی کرنے والے یہ منصوبے قبائلی اور دیہی علاقوں کی ترقی کو نئی رفتار دیں گے اور ریاست کے ہر حصے تک ترقی کے ثمرات پہنچانے میں اہم کردار ادا کریں گے۔
.jpg "صدر اور وزیر اعظم اوڈیشہ میں 47,600 کروڑ روپے کے پروجیکٹوں کا آغاز کریں گے")
