ممبئی : آواز دی وائس

پیر کو ممبئی ایئرپورٹ پر ایک بڑا حادثہ ٹل گیا۔ یہاں ایئر انڈیا کے طیارے کی ’پش بیک‘ ٹرالی میں آگ لگ گئی۔

طیارے میں 85 افراد سوار تھے جب گاڑی میں آگ لگ گئی۔ آگ لگنے سے طیارے اور اس کے مسافروں کو کوئی نقصان نہیں پہنچا۔ پش بیک ٹرالی میں آگ لگنے کی وجہ تاحال معلوم نہیں ہو سکی۔

پش بیک ٹرالی بنیادی طور پر ایک ٹریکٹر ہے۔ اس سے طیارے کو ٹیکسی وے سے رن وے پر لایا جاتا ہے۔ اس کے ساتھ لگی ایک چھڑی ہوائی جہاز کے اگلے پہیے سے جڑی ہوتی ہے۔ پھر یہ جہاز کو رن وے کی طرف دھکیل دیتا ہے۔ اس کے بعد ٹرالی کو ہٹا دیا جاتا ہے اور طیارہ ٹیک آف کے لیے رن وے پر چلنا شروع کر دیتا ہے۔