نئی دہلی
جموں و کشمیر کے گلمرگ میں پیر کے روز ایک بڑی کیبل کار میں تکنیکی خرابی پیدا ہونے کے بعد سیکڑوں سیاح پھنس گئے۔ حکام نے اس بارے میں معلومات فراہم کی ہیں۔حکام کے مطابق اس واقعے کے باعث گلمرگ کیبل کار سروس کے دونوں مراحل کی خدمات کچھ وقت کے لیے معطل کر دی گئیں۔ گلمرگ کیبل کار سروس کو "گنڈولا" کے نام سے بھی جانا جاتا ہے۔
حکام نے بتایا کہ ریاستی آفات سے نمٹنے والی فورس (ایس ڈی آر ایف) اور قومی آفات سے نمٹنے والی فورس (این ڈی آر ایف) کے اہلکاروں نے تکنیکی خرابی کا شکار کیبل کار میں سوار سیکڑوں سیاحوں کو بحفاظت باہر نکال لیا۔
انہوں نے کہا کہ کیبل کار نظام کو دوبارہ بحال کرنے کا کام فی الحال جاری ہے۔
وزیرِ اعلیٰ عمر عبداللہ نے کہا کہ حکومت صورتِ حال پر قریبی نظر رکھے ہوئے ہے۔عمر عبداللہ نے سوشل میڈیا پلیٹ فارم ایکس پر ایک پوسٹ میں کہا کہ تمام کیبن محفوظ ہیں اور پھنسے ہوئے سیاحوں کو بحفاظت نکالنے کے لیے تربیت یافتہ ٹیمیں امدادی کارروائی انجام دے رہی ہیں۔
انہوں نے کہا کہ صورتِ حال مکمل طور پر قابو میں ہے اور گھبرانے کی کوئی ضرورت نہیں ہے۔
.jpg "گلمرگ کیبل کار میں تکنیکی خرابی")
