نئی دہلی
عالمی سطح پر خام تیل کی قیمتوں میں نرمی کے باعث بدھ کے روز ابتدائی کاروبار کے دوران سینسیکس اور نفٹی میں تیزی دیکھی گئی۔بی ایس ای سینسیکس ابتدائی کاروبار میں 187.63 پوائنٹس کے اضافے کے ساتھ 76,388.31 پوائنٹس پر پہنچ گیا، جبکہ این ایس ای نفٹی 57.75 پوائنٹس کی بڑھت کے ساتھ 23,878.85 پوائنٹس پر ٹریڈ کرتا رہا۔
سینسیکس میں شامل 30 کمپنیوں میں ٹیک مہندرا، آئی سی آئی سی آئی بینک، ٹرینٹ، انفوسس، ٹاٹا کنسلٹنسی سروسز اور کوٹک مہندرا بینک کے حصص سب سے زیادہ فائدے میں رہے۔دوسری جانب ماروتی، بھارتی ایئرٹیل، این ٹی پی سی اور ٹاٹا اسٹیل کے حصص میں کمی ریکارڈ کی گئی۔
ایشیائی بازاروں میں جنوبی کوریا کا کوسپی اور ہانگ کانگ کا ہینگ سینگ انڈیکس بڑھت کے ساتھ کاروبار کر رہے تھے، جبکہ جاپان کا نکی 225 اور چین کا ایس ایس ای کمپوزٹ انڈیکس گراوٹ کے ساتھ ٹریڈ کرتے نظر آئے۔امریکی اسٹاک مارکیٹیں منگل کے روز نمایاں گراوٹ کے ساتھ بند ہوئی تھیں۔ نیسڈیک کمپوزٹ میں 2.21 فیصد جبکہ ایس اینڈ پی 500 میں 1.44 فیصد کی کمی درج کی گئی۔
منگل کو سینسیکس 893.39 پوائنٹس اور نفٹی 278.80 پوائنٹس کی گراوٹ کے ساتھ بند ہوئے تھے۔بین الاقوامی معیار کے برینٹ کروڈ کی قیمت 1.02 فیصد کمی کے بعد تقریباً 76.29 ڈالر فی بیرل رہی۔
شیئر بازار کے اعداد و شمار کے مطابق، غیر ملکی ادارہ جاتی سرمایہ کار منگل کے روز خالص خریدار رہے اور انہوں نے 17.86 کروڑ روپے مالیت کے حصص خریدے۔
