گانگٹوک : وزیر اعظم نریندر مودی نے پیر کی شام پدم ایوارڈ حاصل کرنے والوں اور مختلف شعبوں میں نمایاں خدمات انجام دینے والی شخصیات سے ملاقات کی۔

وزیر اعظم نے اس ملاقات کو ایک شاندار تجربہ قرار دیتے ہوئے کہا کہ مختلف موضوعات پر ان ممتاز افراد کے ساتھ گفتگو بہت مفید رہی۔ انہوں نے کہا کہ مختلف شعبوں سے تعلق رکھنے والے افراد کے ساتھ تبادلہ خیال کرنا خوش آئند رہا۔

پدم ایوارڈز بھارت کے اعلیٰ ترین شہری اعزازات میں شمار ہوتے ہیں جو ہر سال یوم جمہوریہ کے موقع پر دیے جاتے ہیں۔ یہ اعزاز تین زمروں میں دیا جاتا ہے جن میں پدم وبھوشن غیر معمولی خدمات کے لیے، پدم بھوشن اعلیٰ درجے کی خدمات کے لیے اور پدم شری مختلف شعبوں میں نمایاں خدمات کے لیے دیا جاتا ہے۔