ممبئی
ممبئی پولیس نے شہر کے جنوبی علاقے میں واقع ایک لگژری ہوٹل میں چلائے جا رہے مبینہ جسم فروشی کے ریکیٹ کا پردہ فاش کرتے ہوئے دو اداکاراؤں کو بازیاب کرا لیا، جبکہ اس معاملے میں ایک میک اپ آرٹسٹ کو گرفتار کر لیا گیا ہے۔ ایک پولیس افسر نے جمعہ کے روز یہ معلومات فراہم کیں۔
انہوں نے بتایا کہ خفیہ اطلاع ملنے کے بعد انسدادِ انسانی اسمگلنگ سیل نے گرگاؤں میں واقع ہوٹل میں ایک فرضی گاہک کو بھیجا۔ اطلاع کی تصدیق ہونے کے بعد ہفتے کے آغاز میں وہاں چھاپہ مار کارروائی کی گئی۔
افسر کے مطابق، پولیس ٹیم نے دو خواتین کو بازیاب کرایا، جن میں سے ایک مراٹھی فلموں میں اداکاری کر چکی ہے، جبکہ دوسری خاتون ہندی اور بنگالی فلموں میں بھی کردار ادا کر چکی ہے۔
انہوں نے بتایا کہ چھاپے کے دوران ایک میک اپ آرٹسٹ کو گرفتار کیا گیا، جو مبینہ طور پر ایجنٹ کے طور پر کام کرتا تھا اور اس ریکیٹ کو چلا رہا تھا۔
پولیس افسر نے کہا کہ اس سلسلے میں مقدمہ درج کر لیا گیا ہے اور ریکیٹ میں شامل دیگر افراد کی شناخت کے لیے تحقیقات جاری ہیں۔
_(2).webp "ممبئی میں جسم فروشی کے ریکیٹ کا پردہ فاش")
