نئی دہلی
جیوتیرادتیہ ایم سندھیا نے ہفتہ کے روز مغربی بنگال حکومت کی تعریف کرتے ہوئے کہا کہ ریاست نے ٹیلی مواصلاتی بنیادی ڈھانچے کی ترقی کو تیز کرنے کے مقصد سے بنائے گئے قوانین کو نافذ کرنے کی سمت میں اہم قدم اٹھایا ہے۔
سندھیا نے سوشل میڈیا پلیٹ فارم ایکس پر ایک پوسٹ میں وزیراعلیٰ شوبھیندو ادھیکاری کا شکریہ ادا کرتے ہوئے کہا کہ ریاست نے ’’مرکزی فریم ورک کے مطابق اقدامات‘‘ کیے ہیں، اور اس قدم کو ’’خوشحال اور بااختیار بنگال‘‘ کی تعمیر کی جانب ایک اہم سنگِ میل قرار دیا۔
مرکزی وزیر نے الزام لگایا کہ مغربی بنگال کئی برسوں سے مرکزی حکومت کی متعدد اہم اسکیموں کے فوائد سے ’’محروم‘‘ رہا ہے، جس کی وجہ سے ریاست میں ڈیجیٹل بنیادی ڈھانچے اور رابطہ کاری کی رفتار متاثر ہوئی۔
انہوں نے کہا کہ ہم سب مل کر خوشحال اور مضبوط ‘سونار بنگال’ کی تعمیر کر رہے ہیں۔ مغربی بنگال کو ٹیلی مواصلات (رائٹ آف وے) رولز 2024 کے مطابق بنانے کے لیے معزز وزیراعلیٰ شوبھیندو ادھیکاری کا تہہ دل سے شکریہ۔وزارت مواصلات کے وزیر سندھیا نے کہا کہ یہ ’’ڈیجیٹل بنیادی ڈھانچے کو مضبوط بنانے اور پوری ریاست میں بھارت نیٹ کے نفاذ کو تیز کرنے کی سمت میں ایک اہم قدم ہے۔
یہ بیان مغربی بنگال کے محکمہ اطلاعاتی ٹیکنالوجی اور الیکٹرانکس کی جانب سے 15 مئی کو جاری ایک نوٹیفکیشن کے بعد سامنے آیا، جس میں کہا گیا تھا کہ ٹیلی مواصلات (رائٹ آف وے) رولز 2024 کو ریاست میں یکم جنوری 2025 سے نافذ العمل تصور کیا جائے گا۔
.jpg "سندھیا نے بنگال کے فیصلے کا خیر مقدم کیا")
