نئی دہلی: راجیہ سبھا ٹی وی اور لوک سبھا ٹی وی چینلوں کا انضمام کر کے ایک نیا ٹی وی چینل بنایا گیا ہے جس کا نام سنسد ٹی وی رکھا گیا - راجیہ سبھا سکریٹریٹ کی جانب سے سرکاری طورپر اس کا اعلان کیا گیا ہے۔ اس انضمام کے سلسلے میں پچھلے سال جون میں اطلاع دی گئی تھی۔
Rajya Sabha TV & Lok Sabha TV have been merged and now will be identified as Sansad TV. pic.twitter.com/GRcgTBxh9D
— Prasar Bharati News Services पी.बी.एन.एस. (@PBNS_India) March 2, 2021
اس نئے انضمام کے ساتھ اعلی سطح کے افسروں میں بھی تبدیلی کی گئی ہے۔ انڈین ایڈمنسٹریٹو سروسز کے ریٹائرڈ افسر روی کپور کو سنسد ٹی وی کا چیف ایگزیکیوٹو افسر (سی ای او) بنایا گیا ہے۔وہ منگل سے عہدہ سنبھالیں گے۔ ان کا دور اقتدار ایک سال تک کےلئے ہوگا۔ وہیں ،راجیہ سبھا ٹی وی کے موجودہ سی ای او منوج کمار پانڈے کو ان کے فرائض سے آزاد کردیا گیا ہے۔
مسٹر کپور1986 بیچ کے آسام- میگھالیہ کیڈر کے ریٹائرڈ افسر ہیں۔ وہ کپڑاوزارت کے سکریٹری کے طورپر تعینات تھے۔ وہ آسام کے اڈیشنل چیف سکریٹری کے علاوہ مختلف علاقوں میں اپنی خدمات دے چکے ہیں۔ وہ کان اور معدنیات ،جنگلات اور ماحولیات،ایکٹ ایسٹ پالیسی معاملوں اور عوامی صنعتی محکموں کے انچارج رہے۔ انہوں نے صنعت اور تجارت کی وزارت میں بھی اپنی خدمات دی ہیں۔
واضح رہے کہ لوک سبھا کی کارروائی کے براہ راست براڈ کاسٹ کی شروعات دوردرشن پر 1989 سے کی گئی تھی۔ سال 2004 میں الگ سے لوک سبھا ٹی وی وجود میں آیا۔ ایک سال بعد 2011 میں راجیہ سبھا ٹی وی کی شروعات ہوئی جس میں راجیہ سبھا کی کارروائی کا براڈ کاسٹ کیا جاتا ہے۔ دونوں چینلوں پر ایوان کی کارروائی کے براہ براڈ کاسٹ کے علاوہ کئی دیگر معلوماتی پروگرام دکھائی جاتے ہیں۔
