ممبئی

سلمان خان کے والد اور معروف اسکرین رائٹر سلیم خان کو ممبئی کے لیلاوتی اسپتال میں داخل ہوئے ایک ہفتے سے زیادہ کا وقت ہو چکا ہے۔ اب ان کی صحت کے بارے میں عامر خان نے تازہ جانکاری دی ہے۔ واضح رہے کہ جب سلیم خان کو اسپتال میں داخل کیا گیا تھا، تب بھی عامر خان ان سے ملاقات کے لیے گئے تھے، اور اب ایک ہفتے بعد بدھ کے روز بھی وہ دوبارہ اسپتال پہنچے۔

عامر خان نے دی سلیم خان کی صحت کی جانکاری

ایک تقریب کے دوران میڈیا سے گفتگو کرتے ہوئے عامر خان نے بتایا کہ وہ سلیم خان سے ملنے اسپتال گئے تھے، مگر ان سے ملاقات نہیں ہو سکی۔ تاہم، انہیں ان کے اہلِ خانہ کے ساتھ کچھ وقت گزارنے کا موقع ملا۔ اداکار نے کہا كہ میں سلیم صاحب سے ملنے گیا تھا۔ ہم سب دعا کر رہے ہیں کہ وہ جلد صحت یاب ہو جائیں۔ چونکہ وہ آئی سی یو میں ہیں، اس لیے میں ان سے ذاتی طور پر نہیں مل سکا، مگر میں ان کے خاندان کے ساتھ بیٹھا رہا۔

عامر خان نے مزید بتایا کہ سلیم خان کی بیٹی الویرا اگنی ہوتری نے انہیں بتایا ہے کہ ان کے والد کی صحت میں مسلسل بہتری آ رہی ہے۔ عامر خان نے کہا كہ الویرا جی کے مطابق، ہر دن ان کی صحت میں بہتری ہو رہی ہے۔ ہم سب دعا کر رہے ہیں کہ وہ جلد گھر واپس آئیں اور مکمل طور پر صحت مند ہو جائیں۔

ڈیزی شاہ نے بھی دی صحت سے متعلق جانکاری

بدھ کے روز ڈیزی شاہ نے بھی سلیم خان کی صحت پر بات کی اور مداحوں کو یقین دلایا کہ سرجری کے بعد معروف رائٹر اب خطرے سے باہر ہیں۔ فلمی جانکاری کو انٹرویو دیتے ہوئے اداکارہ نے کہا كہ میں سلیم سر سے ملاقات نہیں کر سکی، مگر میں مسلسل سلمان سر اور ان کے خاندان کے رابطے میں ہوں۔ سلیم سر اب ٹھیک ہیں، ان کی حالت مستحکم ہے۔ سرجری اچھی طرح ہوئی، کامیاب رہی، اور وہ نگرانی میں ہیں۔ وہ خطرے سے باہر ہیں۔

واضح رہے کہ اس سے قبل ڈاکٹروں نے میڈیا کو بتایا تھا کہ سلیم خان کو ہلکا برین ہیمرج ہوا تھا، جس کے بعد ایک جراحی عمل کیا گیا۔ ان کا علاج کرنے والے ڈاکٹر جلیل پارکر نے ان کی حالت اور صحت یابی سے متعلق تفصیلات شیئر کی تھیں۔ انہوں نے کہا كہ برین ہیمرج ہوا تھا۔ آج صبح ایک چھوٹا سا پروسیجر کیا گیا جو کامیابی سے مکمل ہو گیا ہے۔ وہ ٹھیک اور مستحکم ہیں، مگر فی الحال وینٹی لیٹر پر ہیں۔ امید ہے کہ کل تک ہم انہیں وینٹی لیٹر سے ہٹا دیں گے۔ مجموعی طور پر ان کی حالت کافی بہتر ہے۔ عمر کو دیکھتے ہوئے صحت یابی میں کچھ وقت لگ سکتا ہے۔

دوسری جانب، سپریم کورٹ نے ‘یادو جی کی لو اسٹوری’ سے متعلق دائر کی گئی درخواست کو خارج کر دیا ہے۔ عدالت کا کہنا ہے کہ اس عنوان میں کوئی غلط بات نہیں ہے اور یہ ‘گھس خور پنڈت’ جیسے نام کی طرح نہیں ہے۔