انہوں نے مزید کہ کہ ہمیں پورے ملک سے ٹی بی کا خاتمہ کرنا ہے؛ وزیراعظم کے مشن کے لیے ہم نے دہلی کے مختلف اسپتالوں کو مختلف مشینیں فراہم کی ہیں… ہم نے ایک اور بڑا قدم بھی اٹھایا ہے، دہلی حکومت نے آج سے اپنا آن لائن آرگن ڈونیشن پورٹل بھی لانچ کیا ہے۔

بھارتیہ جنتا پارٹی نے وزیراعظم مودی کی سالگرہ کے موقع پر دو ہفتے طویل ’’سیوا پکھواڑہ‘‘ مہم شروع کی تھی، جو مہاتما گاندھی کی جینتی یعنی 2 اکتوبر کو مکمل ہوگی۔ آج صبح دہلی کی وزیراعلیٰ ریکھا گپتا نے نئی دہلی کے چاندنی چوک میں منعقدہ **’سفائی ہی سیوا‘** مہم 2025 میں بھی شرکت کی۔

چاندنی چوک کی اہمیت پر زور دیتے ہوئے گپتا نے کہا کہ یہ علاقہ نہ صرف دہلی کی وراثت ہے بلکہ تجارتی اداروں کے لیے بھی انتہائی اہم ہے۔ انہوں نے کہا کہ چاندنی چوک کا یہ علاقہ ہماری وراثت ہے۔ یہاں لاکھوں لوگ آتے ہیں… یہ تجارتی اداروں کے لیے بھی بہت اہم جگہ ہے۔ تہواروں کے دوران یہاں صفائی اور بھی ضروری ہو جاتی ہے… یہاں صفائی میں مزید بہتری کی ضرورت ہے… ہم نے حکام کے ساتھ یہاں کے انتظامات کا جائزہ لیا ہے… ہم نے یہاں شراکتی محنت کے ذریعے اپنا حصہ بھی ڈالا ہے۔