بیكانیر/ آواز دی وائس

راجستھان کے ممتاز کانگریس لیڈر اور سابق اپوزیشن لیڈر رامیشور لال دودی جمعہ کی دیر رات اپنے رہائش گاہ پر انتقال کر گئے۔ وہ 62 برس کے تھے۔ اگست 2023 میں برین ہیمرج کے بعد وہ کوما میں چلے گئے تھے۔ پہلے انہیں جے پور کے ایس ایم ایس اسپتال میں داخل کرایا گیا، بعد ازاں بہتر علاج کے لیے دہلی کے میدانتا اسپتال منتقل کیا گیا۔ ان کی حالت حالیہ دنوں میں کچھ بہتر ہوئی تھی اور وہ بیكانیر واپس آگئے تھے، جہاں انہوں نے آخری سانس لی۔

راجستھان کے سابق وزیر اعلیٰ اشوک گہلوت نے سوشل میڈیا پلیٹ فارم ایکس پر گہرے دکھ کا اظہار کرتے ہوئے اسے "دل توڑنے والا" اور "ذاتی صدمہ" قرار دیا۔

گہلوت نے لکھا کہ ببیكانیر سے رکن پارلیمان اور اپوزیشن لیڈر رہ چکے شری رامیشور ڈوڈی کے انتقال کی خبر انتہائی افسوسناک ہے۔ تقریباً دو سال تک بیماری سے لڑنے کے بعد ان کا اس کم عمری میں دنیا سے رخصت ہونا ہمیشہ کھلے زخم کی طرح محسوس ہوگا۔ یہ میرے لیے ذاتی صدمہ ہے۔شری رامیشور ڈوڈی نے ہر ذمہ داری کو پوری لگن کے ساتھ نبھایا۔ وہ میرے ساتھ رکن پارلیمان، ایم ایل اے اور اپوزیشن لیڈر رہے۔ انہوں نے ہمیشہ کسانوں کی فلاح کے لیے انتھک کام کیا۔

گہلوت نے یاد کرتے ہوئے لکھا کہ مجھے یاد ہے کہ میری آمد سے کچھ دن پہلے ہی وہ مجھ سے ملنے آئے تھے اور ہم نے طویل گفتگو کی تھی۔ ہم نے ان کے علاج کے لیے بہترین انتظامات کیے تھے۔ڈوڈی جی نے ایک متوازن اور فعال زندگی گزاری۔ ایسے فعال شخصیت کو اس طرح بیماری میں مبتلا دیکھنا ہم سب کے لیے تکلیف دہ تھا۔ میں بھگوان  سے پراتھنا کرتا ہوں کہ مرحوم کی روح کو سکون عطا کرے اور لواحقین کو صبر و طاقت دے۔