چنڈی گڑھ : کانگریس کے ایم پی اور لوک سبھا میں قائدِ حزب اختلاف راہل گاندھی نے پیر کے روز پنجاب کے سیلاب متاثرہ علاقوں کا دورہ کیا۔کانگریس نے ایکس پر پوسٹ میں بتایا کہ راہل گاندھی نے پنجاب کے سیلاب زدہ علاقوں میں متاثرہ خاندانوں سے ملاقات کی اور راحتی کاموں کا جائزہ لیا۔ اپنے دورے کے دوران لوک سبھا کے لیڈر آف اپوزیشن نے گرداسپور میں ان کسانوں سے بھی ملاقات کی جو شدید سیلاب سے متاثر ہوئے تھے۔
کانگریس نے اپنی پوسٹ میں لکھاقائد حزبِ اختلاف @RahulGandhiنے پنجاب کے سیلاب زدہ علاقوں میں متاثرہ خاندانوں سے ملاقات کی اور راحتی کاموں کا جائزہ لیا۔ پنجاب کے تباہ کن سیلاب نے ہزاروں لوگوں کی زندگیاں اجاڑ دی ہیں۔ ریاست کو جانی و مالی نقصان کا سامنا ہے اور لوگ ریلیف کیمپوں میں رہنے پر مجبور ہیں۔
صورتحال نہایت سنگین ہے۔ ایسے مشکل وقت میں ہر کانگریسی کارکن پنجاب کے ساتھ کھڑا ہے۔ ہم سب سے اپیل کرتے ہیں کہ سیلاب متاثرین کو ہر ممکن مدد فراہم کریں۔ ہمیں مل کر اس آفت پر قابو پانا ہوگا۔اپنے دورے کے دوران کانگریس لیڈر پرگٹ سنگھ نے کہا کہ راہل گاندھی پنجاب کے درد کو بخوبی سمجھتے ہیں۔انہوں نے کہا کہ راہل جی پنجاب کا درد اچھی طرح سمجھتے ہیں۔ وہ اجنالہ کے متاثرہ علاقوں کا بھی دورہ کریں گے، جہاں وہ گرودوارے میں حاضری دیں گے اور پھر متاثرہ کسانوں، مزدوروں اور مقامی لوگوں سے گفتگو کریں گے
नेता विपक्ष श्री @RahulGandhi आज पंजाब में हैं।
— Congress (@INCIndia) September 15, 2025
वे यहां भीषण बाढ़ से प्रभावित हुए परिवारों से मुलाकात कर रहे हैं और बाढ़ से हुए जानमाल के नुकसान व राहत कार्यों का जायजा ले रहे हैं। pic.twitter.com/NvkFHfzqxo
پنجاب کے سیلاب پر بات کرتے ہوئے پرگٹ سنگھ نے سوال اٹھایا کہ ریاست کے لئے مختص 1200 کروڑ روپے کے ایس ڈی آر ایف فنڈ کا کیا ہوا۔
