آواز دی وائس،نئی دہلی
وزیر خارجہ ایس جے شنکر نے بدھ کے روز کانگریس لیڈر راہل گاندھی کے لوک سبھا میں ہونے والی تقریر کی شدید الفاظ میں مذمت کی ہے۔انہوں نے کہا کہ کچھ سبق تاریخ میں ہیں اور یہ کہ پاکستان نے غیر قانونی طور پر 1963 میں جب کانگریس کی حکومت تھی، وادی شکسگام کو چین کے حوالے کر دیا تھا۔
وزیر خارجہ ڈاکٹر ایس جے شنکر نے کہا کہ دونوں ممالک کے درمیان 1970 کی دہائی سے قریبی جوہری تعاون بھی رہا ہے۔ 2013 میں چین پاکستان اقتصادی راہداری کا آغاز ہوا۔ تو اپنے آپ سے پوچھیں: کیا اس وقت چین اور پاکستان ایک دوسرے سے دور تھے؟وزیر خارجہ ڈاکٹر ایس جے شنکر نے بدھ کو لوک سبھا میں کانگریس کے سابق صدر راہل گاندھی کے پاکستان اور چین کے بارے میں حکومت کے خلاف لگائے گئے الزامات پر تنقید کی۔ جے شنکر نے کہا کہ راہل گاندھی نے لوک سبھا میں الزام لگایا کہ موجودہ حکومت کی وجہ سے پاکستان اور چین متحد ہو گئے ہیں۔
کچھ تاریخی اسباق درج ذیل ہیں
سنہ 1963 میں پاکستان نے غیر قانونی طور پر وادی شکسگام کو چین کے حوالے کر دیا۔
چین نے 1970 کی دہائی میں پی او کے, کے راستے قراقرم ہائی وے کی تعمیر کی۔
وزیر خارجہ نے کہا کہ دونوں ممالک کے درمیان 1970 کی دہائی سے قریبی جوہری تعاون بھی رہا ہے۔
سنہ 2013 میں چین پاکستان اقتصادی راہداری کا آغاز ہوا تو اپنے آپ سے پوچھیں: کیا اس وقت چین اور پاکستان ایک دوسرے سے دور تھے؟
واضح رہے کہ صدررام ناتھ کووند کے خطاب پر لوک سبھا میں بحث میں حصہ لیتے ہوئے راہل گاندھی نے دعویٰ کیا تھا کہ آج چین اور پاکستان مرکزی حکومت کی پالیسی کی وجہ سے متحد ہوئے ہیں۔ سرحد پر چین کی جارحیت اور پاکستان کی سرحد سے متعلق چیلنج کا حوالہ دیتے ہوئے انہوں نے کہا کہ 'خطرے کو ہلکے سے نہ لیں۔
آپ نے چین اور پاکستان کو متحد کر دیا ہے، یہ ہندوستان کے لوگوں کے خلاف سب سے بڑا جرم ہے۔ ساتھ ہی راہل گاندھی نے دعویٰ کیا تھا کہ ہندوستان کو یوم جمہوریہ کی تقریبات میں شرکت کرنے کے لیے کوئی غیر ملکی مہمان نہیں مل سکا۔ اس پر جے شنکر نے کہا کہ جن پانچ وسطی ایشیائی ممالک کے صدور کو آنا تھا انہوں نے 27 جنوری2022 کو ایک ڈیجیٹل سربراہی اجلاس منعقد کیا۔
وزیر خارجہ نے ٹویٹ کیا کہ 'راہل گاندھی نے لوک سبھا میں کہا کہ ہمیں یوم جمہوریہ کے لیے کوئی غیر ملکی مہمان نہیں ملا۔ ہندوستان میں رہنے والے لوگ جانتے ہیں کہ ہمیں کورونا کی لہر کا سامنا ہے۔
انہوں نے لکھا کہ پانچ وسطی ایشیائی ممالک کے صدور آنے والے تھے لیکن انہوں نے 27 جنوری2022 کو ایک ڈیجیٹل سمٹ کا انعقاد کیا۔ کیا راہل گاندھی یہ بھی بھول گئے ہیں؟
Rahul Gandhi alleged in Lok Sabha that it is this Government which brought Pakistan and China together.Perhaps, some history lessons are in order:
— Dr. S. Jaishankar (@DrSJaishankar) February 2, 2022
-In 1963,Pakistan illegally handed over the Shaksgam valley to China.
-China built the Karakoram highway through PoK in the 1970s.
