چنڈی گڑھ
محکمۂ موسمیات ہند (آئی ایم ڈی)، چنڈی گڑھ نے ہفتہ کے روز بتایا کہ پنجاب اور ہریانہ میں اوسط کم از کم درجۂ حرارت میں معمولی کمی درج کی گئی ہے اور دونوں ریاستوں میں موسمی حالات مجموعی طور پر معمول کے قریب ہیں۔
آئی ایم ڈی کے مطابق، ہریانہ میں جمعہ کے مقابلے میں اوسط کم از کم درجۂ حرارت میں 0.6 ڈگری سیلسیس کی کمی ریکارڈ کی گئی۔ ریاست میں سب سے کم درجۂ حرارت بھوانی اور منڈکولا (میوات) میں 8.5 ڈگری سیلسیس درج کیا گیا۔
چنڈی گڑھ میں کم از کم درجۂ حرارت 9.3 ڈگری سیلسیس رہا، جو پچھلے دن کے مقابلے میں 1.6 ڈگری سیلسیس کم ہے۔ ہریانہ کے دیگر بڑے مراکز میں امبالہ میں 11.8 ڈگری سیلسیس، حصار میں 8.7، کرنال میں 9.3، روہتک میں 9.6 اور نارنول میں 10.5 ڈگری سیلسیس درجۂ حرارت ریکارڈ کیا گیا۔
پنجاب میں اوسط کم از کم درجۂ حرارت میں 0.3 ڈگری سیلسیس کی کمی دیکھی گئی اور یہ بھی معمول کے قریب رہا۔ ریاست میں سب سے کم درجۂ حرارت ہوشیارپور (اے ڈبلیو ایس) میں 7.7 ڈگری سیلسیس درج کیا گیا۔امرتسر میں 8.5 ڈگری سیلسیس، لدھیانہ میں 9.6، پٹیالہ میں 10.5، بھٹنڈہ میں 8.2 اور فریدکوٹ میں 8.0 ڈگری سیلسیس درجۂ حرارت ریکارڈ ہوا۔
آئی ایم ڈی نے مزید بتایا کہ گزشتہ 24 گھنٹوں کے دوران، جو صبح 8:30 بجے ختم ہوئے، پنجاب، ہریانہ اور چنڈی گڑھ کے کسی بھی مرکز پر بارش ریکارڈ نہیں کی گئی۔ ادھر آج قومی دارالحکومت میں ہوا کے معیار میں معمولی بگاڑ دیکھا گیا۔ مرکزی آلودگی کنٹرول بورڈ (سی پی سی بی) کے مطابق صبح 8 بجے ایئر کوالٹی انڈیکس (اے کیو آئی) 197 رہا، جو ‘درمیانی’ زمرے میں آتا ہے۔
آنند وہار میں اے کیو آئی 265 کے ساتھ ‘خراب’ درج کیا گیا، جبکہ آر کے پورم میں بھی 247 کے ساتھ ہوا کا معیار ‘خراب’ رہا۔ اس کے برعکس دہلی کے آئی جی آئی ایئرپورٹ ٹرمینل 3 پر اے کیو آئی 176 ریکارڈ ہوا، جو سی پی سی بی کے مطابق ‘درمیانی’ زمرے میں شامل ہے۔
_(22).webp "پنجاب، ہریانہ میں درجہ حرارت میں معمولی کمی: آئی ایم ڈی")
.gif)
