چندی گڑھ
پنجاب و ہریانہ ہائی کورٹ کو جمعرات کے روز بم دھماکے کی دھمکی والا ایک ای میل موصول ہوا، تاہم حکام کے مطابق تلاشی کے دوران کوئی مشتبہ چیز برآمد نہیں ہوئی۔ پولیس نے یہ اطلاع دی۔اطلاع ملتے ہی پولیس، فائر بریگیڈ، بم اسکواڈ، ڈاگ اسکواڈ اور ایمبولینس کو فوری طور پر ہائی کورٹ کمپلیکس بھیجا گیا، جہاں مکمل اینٹی سبوٹاژ چیکنگ کی گئی۔
یہ ای میل ایسے وقت میں موصول ہوا جب ایک دن قبل بدھ کو سیکٹر 37 میں بی جے پی کے دفتر کے باہر دھماکہ ہوا تھا، جہاں ایک مشتبہ دیسی ساختہ دھماکہ خیز آلہ پھینکا گیا تھا۔
اس دھماکے میں کسی جانی نقصان کی اطلاع نہیں ملی۔اس سے قبل بھی پنجاب سول سیکریٹریٹ، چندی گڑھ پاسپورٹ آفس اور پنجاب و ہریانہ کے مختلف شہروں جیسے امرتسر، جالندھر اور پٹیالہ کے اسکولوں کو اسی طرح کی بم دھمکیاں موصول ہو چکی ہیں۔
تاہم تمام دھمکیاں بعد میں جھوٹی ثابت ہوئیں۔
