نئی دہلی
مہاراشٹر کے محکمۂ آثارِ قدیمہ نے مقامی شہری ادارے سے تاریخی ٹاؤن ہال عمارت کو میوزیم کے لیے حوالے کرنے کی درخواست کی ہے، جہاں سونےری محل میں پہلے سے محفوظ تقریباً ایک ہزار نوادرات کو نمائش کے لیے رکھا جائے گا۔
سترہویں صدی میں تعمیر کیے گئے سونےری محل کو ریاستی تحفظ یافتہ یادگار کے اسٹرکچرل آڈٹ کے بعد چند سال قبل بند کر دیا گیا تھا۔محکمۂ آثارِ قدیمہ نے 13 مئی کو چھترپتی سمبھاجی نگر میونسپل کارپوریشن کو لکھے گئے خط میں بتایا کہ اس عمارت میں قرونِ وسطیٰ کی بندوقیں، توپیں، مخطوطات، سکے اور آثارِ قدیمہ سے متعلق کئی نایاب اشیا محفوظ تھیں۔
خط کے مطابق، سونےری محل میں قائم میوزیم بند ہونے کے باعث محکمۂ آثارِ قدیمہ نے شہری ادارے سے درخواست کی ہے کہ شہر کی مشہور ٹاؤن ہال عمارت اسے سونپ دی جائے تاکہ وہاں نیا میوزیم قائم کیا جا سکے۔
خط میں کہا گیا ہے کہ میوزیم کو زیادہ عرصے تک بند نہیں رکھا جا سکتا کیونکہ اس سے طلبہ کے تعلیمی مفادات کو نقصان پہنچ رہا ہے۔چھترپتی سمبھاجی نگر کی اہم تاریخی عمارتوں میں شامل ٹاؤن ہال کی تعمیر نظام شاہی فوج کے سپہ سالار ملک عنبر نے سترہویں صدی کی پہلی سہ ماہی میں کروائی تھی۔
