نئی دہلی
دروپدی مرمو اور نریندر مودی نے منگل کے روز عمر عبداللہ کو ان کی سالگرہ کے موقع پر مبارکباد دی اور ان کی درازیٔ عمر اور بہترین صحت کے لیے نیک خواہشات کا اظہار کیا۔
سابق مرکزی وزیر اور جموں و کشمیر کے دو مرتبہ وزیرِ اعلیٰ رہنے والے عمر عبداللہ منگل کے روز 56 برس کے ہو گئے۔
حکام کے مطابق صدر دروپدی مرمو نے عمر عبداللہ کو ٹیلی فون کیا اور انہیں سالگرہ کی مبارکباد دیتے ہوئے نیک تمناؤں کا اظہار کیا۔وزیر اعظم نریندر مودی نے بھی سماجی رابطے کی ویب گاہ X پر پیغام جاری کرتے ہوئے انہیں مبارکباد دی۔ انہوں نے اپنے پیغام میں کہا كہ جموں و کشمیر کے وزیر اعلیٰ عمر عبداللہ جی کو سالگرہ کی مبارکباد۔ دعا ہے کہ وہ لمبی عمر اور بہترین صحت سے نوازے جائیں۔
عمر عبداللہ نے وزیر اعظم کی جانب سے دی گئی مبارکباد اور نیک خواہشات پر شکریہ ادا کیا۔راجناتھ سنگھ نے بھی عمر عبداللہ سے فون پر بات کی اور ان کی درازیٔ عمر اور اچھی صحت کے لیے نیک خواہشات پیش کیں۔اسی طرح اوم برلا نے بھی سماجی رابطے کی ویب گاہ ایکس پر عمر عبداللہ کو سالگرہ کی مبارکباد دیتے ہوئے کہا كہ آپ کو اچھی صحت، خوشی اور ایک طویل اور بامقصد زندگی نصیب ہو۔
پریم سنگھ تمانگ نے بھی عمر عبداللہ کو گرمجوشی کے ساتھ مبارکباد دی اور کہا کہ وہ عوام کی فلاح و بہبود اور ترقی کے لیے اپنی خدمات جاری رکھتے ہوئے صحت، طاقت اور طویل عمر سے نوازے جائیں۔
.gif)
