نئی دہلی
حکام نے ہفتہ کے روز بتایا کہ صدرِ جمہوریہ دروپدی مرمو 26 مئی سے سکم کے تین روزہ دورے پر رہیں گی۔
حکام کے مطابق صدرِ جمہوریہ 26 مئی کی دوپہر لیبنگ آرمی ہیلی پیڈ پر پہنچیں گی اور وہاں سے لوک بھون جائیں گی۔ اس کے بعد وہ گانگٹوک کے دیورالی علاقے میں واقع نامگیال انسٹی ٹیوٹ آف تبتولوجی اور رج پارک میں واقع آرکڈیریم کا دورہ کریں گی۔
حکام کے مطابق صدرِ جمہوریہ 27 مئی کی صبح ہندوستان-چین سرحد پر واقع ناتھو لا کا دورہ کریں گی۔ اس کے بعد وہ سکم یونیورسٹی کے ساتویں کانووکیشن (جلسۂ تقسیمِ اسناد) میں شرکت کریں گی، جہاں وہ 2023، 2024 اور 2025 کے بیچ کے طلبہ کو ڈگریاں عطا کریں گی۔
حکام نے بتایا کہ صدرِ جمہوریہ 28 مئی کو پالزور اسٹیڈیم میں سکم پولیس کی پریڈ میں شرکت کریں گی، جس کے بعد وہ واپس دہلی روانہ ہو جائیں گی۔
