آواز دی وائس، نئی دہلی

صدر رام ناتھ کووند اور وزیراعظم نریندر مودی نے اہل وطن کو عیدمیلاد النبی کی مبارک بادی ہے، گذشتہ روز نائب صدر ایم وینکیا نائیڈو نے پیشگی طور پر اس کی مبارک باد دی تھی۔

خاص بات یہ ہے کہ صدر رام ناتھ کووند نے اردو زبان میں مبارک باد کا پیغام ٹوئٹ کیا ہے۔

انہوں نے لکھا ہے: عید میلاد النبی کے مقدس موقع پر، میں سبھی ہم وطنوں، بالخصوص اپنے مسلم بھائیوں، بہنوں کو قلبی مبارکباد دیتا ہوں۔ آئیے، ہم سب پیغمبر محمدؐ کی زندگی سے ترغیب لے کر، معاشرہ کی خوشحالی کے لئے اور ملک میں امن وسلامتی قائم رکھنے کے لئے کام کریں۔

عید میلاد النبی کے مقدس موقع پر، میں سبھی ہم وطنوں، بالخصوص اپنے مسلم بھائیوں، بہنوں کو قلبی مبارکباد دیتا ہوں۔ آئیے، ہم سب پیغمبر محمدؐ کی زندگی سے ترغیب لے کر، معاشرہ کی خوشحالی کے لئے اور ملک میں امن وسلامتی قائم رکھنے کے لئے کام کریں۔

— President of India (@rashtrapatibhvn) October 19, 2021

وہیں وزیراعظم نریندر مودی نے بھی ٹوئٹ کرکے اہل وطن کو اس مقدس تہوار کی مبارک باد پیش کی ہے۔

وزیراعظم نے ایک ٹویٹ میں کہا؛ ’’میلادالنبی کی مبارکباد ۔ ہرطرف امن اور خوشحالی ہو۔ رحم دلی اور بھائی چارے کا جذبہ ہمیشہ قائم رہے۔ عیدمبارک!‘‘

Milad-un-Nabi greetings. Let there be peace and prosperity all around. May the virtues of kindness and brotherhood always prevail. Eid Mubarak!

— Narendra Modi (@narendramodi) October 19, 2021