نئی دہلی
قومی دارالحکومت میں ہفتے کے روز کم سے کم درجہ حرارت 26.4 ڈگری سینٹی گریڈ ریکارڈ کیا گیا، جو اس موسم کے اوسط درجہ حرارت سے 1.2 ڈگری کم ہے۔ یہ معلومات ہندوستان کے محکمہ موسمیات (آئی ایم ڈی) نے فراہم کیں۔
آئی ایم ڈی کے مطابق ہفتہ اور اتوار کو گرج چمک کے ساتھ بارش ہونے کا امکان ہے جبکہ زیادہ سے زیادہ درجہ حرارت تقریباً 36 ڈگری سینٹی گریڈ کے آس پاس رہ سکتا ہے۔
نئی دہلی میں صبح ساڑھے آٹھ بجے نسبتاً نمی 60 فیصد ریکارڈ کی گئی۔
مرکزی آلودگی کنٹرول بورڈ (سی پی سی بی) کے اعداد و شمار کے مطابق ہفتے کی صبح نو بجے ہوا کے معیار کا اشاریہ (اے کیو آئی) 162 ریکارڈ کیا گیا جو “درمیانی” زمرے میں آتا ہے۔
سی پی سی بی کے مطابق اے کیو آئی کی درجہ بندی اس طرح ہے: 0 سے 50 “اچھا”، 51 سے 100 “اطمینان بخش”، 101 سے 200 “درمیانی”، 201 سے 300 “خراب”، 301 سے 400 “انتہائی خراب” اور 401 سے 500 “سنگین”۔
