وزیر اعظم نے کہا کہ یہ ترقیاتی منصوبے اقتصادی ترقی۔ رابطہ کاری اور صنعتی پیش رفت کو نئی رفتار فراہم کریں گے۔ انہوں نے منصوبوں کی بروقت تکمیل کے لیے پی ایم گتی شکتی نیشنل ماسٹر پلان کے مؤثر استعمال پر زور دیا۔
جائزہ میٹنگ میں منصوبوں کی پیش رفت۔ مختلف اداروں کے درمیان تال میل۔ درپیش مسائل کے حل اور مقررہ مدت میں تکمیل پر خصوصی توجہ دی گئی۔ وزیر اعظم نے کہا کہ بنیادی ڈھانچے کے منصوبوں میں تاخیر سے لاگت بڑھتی ہے اور عوام و صنعت دونوں بروقت فوائد سے محروم رہ جاتے ہیں۔ انہوں نے متعلقہ وزارتوں اور ریاستی حکومتوں کو ہدایت دی کہ زیر التوا مسائل کو مشن موڈ میں حل کیا جائے اور اعلیٰ سطح پر مسلسل نگرانی رکھی جائے۔
وزیر اعظم نے اس بات پر بھی زور دیا کہ گتی شکتی پورٹل پر منصوبوں کی تفصیلات۔ بنیادی سہولیات۔ منظوریوں اور زمینی حقائق سے متعلق معلومات کو باقاعدگی سے تازہ کیا جائے تاکہ رکاوٹوں کی بروقت نشاندہی ہو سکے اور حقیقی وقت کے اعداد و شمار کی بنیاد پر فیصلے کیے جا سکیں۔
میٹنگ میں ٹی بی مکت بھارت ابھیان کا بھی جائزہ لیا گیا۔ وزیر اعظم نے مصنوعی ذہانت سمیت جدید ڈیجیٹل ٹیکنالوجی کے استعمال کی ضرورت پر زور دیا اور تجویز دی کہ این سی سی کیڈٹس اور مائی بھارت رضاکاروں کو بیداری مہم۔ مریضوں کی نگرانی اور عوامی شمولیت کے لیے استعمال کیا جائے۔
اس کے علاوہ سائبر جرائم اور ڈیجیٹل گرفتاری سے متعلق شکایات پر بھی غور کیا گیا۔ وزیر اعظم نے شہریوں کے ساتھ دھوکہ دہی کے لیے ڈیجیٹل پلیٹ فارمز کے بڑھتے ہوئے غلط استعمال پر تشویش ظاہر کی اور کہا کہ ایسے معاملات میں تمام متعلقہ اداروں کے درمیان مربوط اور بروقت کارروائی ضروری ہے۔
انہوں نے کہا کہ شہریوں کو انصاف کے لیے ایک دفتر سے دوسرے دفتر کے چکر نہیں لگانے چاہئیں۔ اس مقصد کے لیے قانون نافذ کرنے والے اداروں۔ بینکوں اور ڈیجیٹل پلیٹ فارمز کے درمیان بہتر رابطہ۔ تیز رفتار کارروائی اور عوامی آگاہی مہمات کی ضرورت ہے۔
وزیر اعظم نے ہدایت دی کہ سائبر فراڈ کے معاملات میں فوری کارروائی مالی نقصان کو روکنے اور عوامی اعتماد بحال کرنے کے لیے نہایت اہم ہے۔ انہوں نے ریاستوں پر زور دیا کہ سائبر فراڈ کے مقدمات میں تیز رفتار اندراج اور کارروائی کے لیے ای زیرو ایف آئی آر نظام کو نافذ کرنے کی سمت میں کام کریں۔
