نئی دہلی/ آواز دی وائس
وزیراعظم نریندر مودی نے جمعرات کے روز انٹرنیشنل چیتا ڈے کے موقع پر مبارکباد پیش کی اور چیتا کے تحفظ میں نمایاں کردار ادا کرنے والے وائلڈ لائف محبت کرنے والوں اور ماہرینِ تحفظِ جنگلی حیات کی خدمات کو سراہا۔ وزیراعظم مودی نے ایکس پر اپنے پیغام میں کہا کہ حکومت کے پروجیکٹ چیتا کا مقصد کھوئی ہوئی ماحولیاتی وراثت کو بحال کرنا اور ملک کی حیاتیاتی تنوع کو مضبوط کرنا ہے۔
انہوں نے لکھا کہ انٹرنیشنل چیتا ڈے پر تمام وائلڈ لائف لَورز اور کنزرویشن ماہرین کو میری نیک خواہشات، جو اس سیارے کے قابلِ عظمت جاندار چیتا کے تحفظ کے لیے وقف ہیں۔ تین سال قبل ہماری حکومت نے پروجیکٹ چیتا شروع کیا، جس کا مقصد اس باوقار جانور کی حفاظت اور اس نظامِ ماحول کو بحال کرنا تھا جس میں وہ صحیح معنوں میں پروان چڑھ سکے۔ یہ کھوئی ہوئی ماحولیاتی وراثت کو زندہ کرنے اور ہماری بایو ڈائیورسٹی کو مضبوط بنانے کی ایک بڑی کوشش تھی۔ وزیراعظم نے ملک میں چیتا ٹورزم کے فروغ کی بھی تعریف کی اور کہا کہ چیتا کے تحفظ میں پیش رفت عوام کی اجتماعی حمایت سے ممکن ہوئی۔
انہوں نے مزید کہا کہ ہندوستان اس بات پر فخر کرتا ہے کہ یہاں کئی چیٹے موجود ہیں اور ان میں سے ایک بڑی تعداد ہندوستانی سرزمین پر پیدا ہوئی ہے۔ بہت سے چیٹے اب کونو نیشنل پارک اور گاندھی ساگر سینکچوری میں خوش و خرم ہیں۔ یہ دیکھ کر مسرت ہوتی ہے کہ چیتا ٹورزم بھی مقبولیت حاصل کر رہا ہے۔ میں دنیا بھر کے وائلڈ لائف شائقین سے اپیل کرتا ہوں کہ وہ ہندوستان آئیں اور چیتا کو اس کی پوری شان و شوکت کے ساتھ دیکھیں۔
مزید کہا کہ چیتا کے تحفظ میں ہماری کامیابی عوام کی اجتماعی مدد سے ہی ممکن ہوئی ہے، خصوصاً ہمارے چیتا متر کی محنت سے۔ جنگلی حیات کا تحفظ اور فطرت کے ساتھ ہم آہنگی میں رہنا ہندوستانی تہذیب کا بنیادی حصہ ہے، اور ہم آج ان کوششوں میں اسی روح کو زندہ دیکھ رہے ہیں۔ دریں اثنا، مدھیہ پردیش کے وزیر اعلیٰ موہن یادو انٹرنیشنل چیتا ڈے کے موقع پر مادہ چیتا ویرا اور اس کے دس ماہ کے دو بچوں کو جنگل میں چھوڑیں گے۔ یہ ریلیز کونو نیشنل پارک کے پَروند فاریسٹ ایریا میں ہو گی، جو ایک مخصوص ٹورزم زون ہے۔
ریلیز کے بعد ان جانوروں کی جدید ریڈیو ٹریکنگ سسٹم اور فیلڈ ٹیموں کی مدد سے مسلسل نگرانی کی جائے گی تاکہ ان کی حفاظت اور جنگل کے ماحول میں مناسب انضمام کو یقینی بنایا جا سکے۔ اس موقع پر وزیر اعلیٰ کونو نیشنل پارک کیلنڈر 2026 بھی جاری کریں گے اور فری رینجنگ چیتاز کے کلینیکل مینجمنٹ کے لیے تیار ہونے والا نیا فیلڈ مینول بھی ریلیز کریں گے۔
پارک میں نئی تعمیر شدہ سویونیر شاپ کا افتتاح بھی کیا جائے گا، جس کا مقصد سیاحوں کے تجربے کو بہتر بنانا اور تحفظِ جنگلی حیات کے بارے میں آگاہی بڑھانا ہے۔
واضح رہے کہ کُل 20 چیٹے کونو نیشنل پارک میں متعارف کرائے گئے تھے
۔آٹھ نامیبیا سے ستمبر 2022 میں
۔اور بارہ جنوبی افریقہ سے فروری 2023 میں۔
جب چیتا کو دوبارہ متعارف کرایا گیا تھا، تب بہت سے لوگوں نے شکوک و شبہات کا اظہار کیا تھا، مگر یہ خدشات غلط ثابت ہوئے۔ دسمبر 2025 تک ہندوستان میں 32 چیٹے موجود ہیں، جن میں سے 21 ہندوستانی سرزمین پر پیدا ہونے والے بچے ہیں۔ یہ کسی بھی ملک میں اس نوعیت کی دوبارہ بحالی کے بہترین نتائج میں شمار ہوتا ہے۔ محال ہی میں ہندوستان میں پیدا ہونے والی مادہ چیتا مُکھی نے نومبر 2025 میں پانچ تندرست بچوں کو جنم دیا، جو ایک اہم سنگ میل ہے۔
