اطلاعات کے مطابق، آندھرا پردیش کے کرنول ضلع میں جمعہ کی علی الصبح ایک نجی کمپنی کی بس میں خوفناک آگ لگنے سے کم از کم 20 افراد ہلاک ہو گئے۔ ضلع کلکٹر اے سری کے مطابق، حادثہ صبح تقریباً 3 بجے سے 3:10 بجے کے درمیان پیش آیا، جب بس ایک موٹر سائیکل سے ٹکرا گئی، جس سے ایندھن کا اخراج ہوا اور آگ بھڑک اٹھی۔ انہوں نے بتایا کہ بس میں سوار 41 مسافروں میں سے 21 کو بحفاظت نکال لیا گیا۔ کلکٹر نے مزید کہا کہ حادثہ صبح 3 سے 3:10 کے درمیان پیش آیا، جب بس ایک موٹر سائیکل سے ٹکرا گئی، جس کے بعد ایندھن کے رساؤ سے خوفناک آگ لگ گئی۔ 41 مسافروں میں سے 21 کو بحفاظت نکال لیا گیا ہے، جبکہ باقی 20 میں سے 11 کی لاشوں کی شناخت ہو چکی ہے۔ بقیہ کی شناخت کے لیے کام جاری ہے۔

یہ وولوو بس، جو ایک نجی ٹریول کمپنی کی تھی، 41 مسافروں کو لے کر حیدرآباد سے بنگلورو جا رہی تھی، جب کرنول کے کالور منڈل کے چنا ٹیکور کے قریب مکمل طور پر جل کر تباہ ہو گئی۔

زخمیوں کو علاج کے لیے کرنول سرکاری اسپتال منتقل کیا گیا ہے۔ آندھرا پردیش کے وزیرِاعلیٰ چندر بابو نائیڈو نے حادثے پر دکھ کا اظہار کرتے ہوئے کہا کہ حکومت متاثرہ خاندانوں اور زخمیوں کو ہر ممکن مدد فراہم کرے گی۔ انہوں نے ایکس پر لکھا کہ کرنول ضلع کے چنا ٹیکور گاؤں کے قریب پیش آئے بس حادثے کی خبر سن کر صدمہ پہنچا۔ اپنی جانیں گنوانے والے افراد کے اہلِ خانہ سے دلی تعزیت کا اظہار کرتا ہوں۔ بی جے پی کے ریاستی صدر پی وی این مادھو کی ہدایت پر بی جے پی کے مقامی رہنما فوری طور پر جائے حادثہ پر پہنچ گئے۔

اب تک نو زخمی مسافر اسپتال میں زیرِ علاج ہیں، جبکہ بس مکمل طور پر آگ کی لپیٹ میں آ کر تباہ ہو گئی۔