نئی دہلی
آپریشن سیندور کے ایک سال مکمل ہونے پر راجناتھ سنگھ نے جمعرات کو اس مشن کو جدید جنگی حکمتِ عملی کی ایک شاندار مثال قرار دیتے ہوئے اس کی غیر معمولی درستگی اور تینوں افواج کے بے مثال تال میل کا ذکر کیا۔انہوں نے اپنے پیغام میں کہا کہ یہ کارروائی قومی سلامتی کے چیلنجز سے نمٹنے کے لیے قومی عزم اور مکمل تیاری کی ایک طاقتور علامت ہے۔
پہلگام دہشت گرد حملے کے جواب میں، ہندوستان نے گزشتہ سال 6 اور 7 مئی کی درمیانی شب "آپریشن سندور" شروع کیا تھا، جس کے تحت پاکستان اور پاکستان کے زیر قبضہ کشمیر میں نو دہشت گرد ٹھکانوں پر فضائی حملے کیے گئے تھے اور کم از کم 100 دہشت گرد مارے گئے تھے۔
راجناتھ سنگھ نے کہا کہ آپریشن سندور کے ایک سال مکمل ہونے پر ہم اپنی مسلح افواج کی بہادری اور قربانیوں کو سلام پیش کرتے ہیں، جن کی جرات اور وابستگی قوم کی حفاظت کرتی ہے۔انہوں نے مزید کہا کہ اس آپریشن کے دوران ان کی کارروائیوں نے بے مثال درستگی، بغیر کسی رکاوٹ کے ہم آہنگی اور مختلف افواج کے درمیان گہرے تال میل کا مظاہرہ کیا، جس نے جدید فوجی کارروائیوں کے لیے ایک نیا معیار قائم کیا۔
وزیر دفاع نے کہا کہ یہ کارروائی "قومی عزم اور تیاری کی ایک طاقتور علامت ہے، جو یہ ظاہر کرتی ہے کہ ہماری مسلح افواج اہم ترین مواقع پر فیصلہ کن کارروائی کے لیے ہمیشہ تیار رہتی ہیں۔
انہوں نے کہا، "یہ خود انحصاری حاصل کرنے کی سمت میں ہندوستان کی مسلسل پیش رفت کا بھی ثبوت ہے، جو صلاحیت میں اضافے کے ساتھ ساتھ مضبوطی اور استحکام کو بھی فروغ دیتی ہے۔"
.jpg "آپریشن سیندور جدید جنگ کی بہترین مثال ہے: راج ناتھ سنگھ")
