نئی دہلی
اولمپک ہاکی کے تمغہ یافتہ کھلاڑی گربخش سنگھ گریوال کا جمعہ کے روز زیرک پور میں دل کا دورہ پڑنے سے انتقال ہو گیا۔ ان کی عمر 84 برس تھی۔ گربخش سنگھ 1968 کے میکسیکو سٹی اولمپکس میں کانسی کا تمغہ جیتنے والی ہندوستانی ٹیم کے رکن تھے۔
انہوں نے اپنے بھائی بلبیر سنگھ گریوال کے ساتھ ایک ہی اولمپکس میں ہندوستان کی نمائندگی کی تھی، اور اس طرح وہ ان چند بھائیوں میں شامل ہیں جنہوں نے ایک ساتھ اولمپکس میں شرکت کی۔
اپنے کھیل کے کیریئر کے علاوہ گربخش سنگھ نے ویسٹرن ریلوے میں اسپورٹس آفیسر کے طور پر بھی خدمات انجام دیں، جہاں انہوں نے راجستھان کی کئی باصلاحیت کھلاڑیوں کو تلاش کرنے اور انہیں ریلوے ہاکی ٹیم میں شامل کرنے میں اہم کردار ادا کیا۔
ممبئی میں ملازمت سے ریٹائرمنٹ کے بعد بھی وہ کھیلوں کے انتظامی امور میں سرگرم رہے اور ممبئی ہاکی ایسوسی ایشن کے اعزازی سیکریٹری کے طور پر بھی خدمات انجام دیں۔
