سرینگر: سرینگر ہوائی اڈے سے پیر کے روز کوئی تجارتی پرواز روانہ نہیں ہوگی، کیونکہ گزشتہ ہفتے نوٹس ٹو ایئر مین (نوٹام) واپس لیے جانے کے بعد فضائی کمپنیاں اپنی پروازوں کا شیڈول دوبارہ ترتیب دے رہی ہیں۔ حکام کے مطابق پیر اور منگل کو رن وے مکمل طور پر بند رکھنے سے متعلق مجوزہ نوٹام واپس لے لیا گیا ہے، جس کے بعد دن کے وقت پروازوں کی بلا تعطل آمد و رفت ممکن ہوگی۔
Operations Update from Srinagar Airport ✈️
— Srinagar Airport (@SrinagarAirport) July 4, 2026
Passengers are advised that there will be no full airfield closure at Srinagar Airport this year.
Airport operations will continue on all days with operational/watch hours from 0800 hrs to 1700 hrs. Night closures for runway… pic.twitter.com/eIMvuLVHgN
سرینگر ہوائی اڈے نے ایکس پر جاری ایک بیان میں کہا، ’’متعلقہ فضائی کمپنیوں کی تصدیق کے مطابق آج سرینگر ہوائی اڈے سے کوئی طے شدہ تجارتی پرواز نہیں چل رہی ہے۔‘‘ بیان میں کہا گیا کہ پیر اور منگل سے متعلق مجوزہ نوٹام واپس لیے جانے کے بعد فضائی کمپنیاں تازہ آپریشنل صورتِ حال کے مطابق اپنے شیڈول میں ترمیم اور انہیں بحال کرنے کے عمل میں مصروف ہیں، جس میں کچھ وقت لگ سکتا ہے۔
ہوائی اڈے کے مطابق، متعلقہ فضائی کمپنیوں کی جانب سے نظرثانی شدہ شیڈول کو حتمی شکل دے کر جاری کیے جانے کے بعد پیر اور منگل کی پروازیں دوبارہ شروع ہونے کی توقع ہے۔ انتظامیہ نے مسافروں سے اپیل کی ہے کہ ہوائی اڈے روانہ ہونے سے قبل اپنی فضائی کمپنی سے پرواز کی تازہ صورتِ حال ضرور معلوم کریں اور مستند معلومات کے لیے صرف سرکاری ذرائع پر ہی اعتماد کریں۔ ساتھ ہی مسافروں کے صبر اور تعاون پر ان کا شکریہ بھی ادا کیا گیا۔
