مشرقی لداخ میں جاری فوجی تعطل کے خاتمے کے لئے ہندوستان اور چین کے درمیان کور کمانڈر سطح کی نویں دورکی بات چیت کا 24 جنوری کو آغاز ہوگا- فوج کے ذرائع کے حوالے سے بتایا گیا ہے کہ یہ بات چیت مولڈو نامی مقام پر ہوگی جو ہندوستان کے چشول سیکٹر کے دوسری جانب واقع ہے- واضح رہے کہ دونوں ممالک کے مابین کور کمانڈر سطح کے مذاکرات پچھلی مرتبہ گزشتہ سال چھ نومبر کو مشرقی لداخ کے چشول میں ہوئے تھے۔
بھارت اور چین ایل اے سی کےتنازعہ کے باعث چھ ماہ سے زیادہ عرصے سے فوجی سطح کی بات چیت میں مصروف ہیں- چین نے جب ایل اے سی پر بڑے پیمانے پر فوجی قوت کا مظاہرہ کیا تو ہندوستان نے بھی اس کے جواب میں بھر پور جوابی کاروائی کی اور فوج کی نقل و حرکت کو بڑھا دیا-
