.jpg "بڑا قدم")
قومی ہیومن رائٹس کمیشن نے راجستھان میں خواتین کے خلاف جرائم میں،یرمعمولی اضافے کی شکایات کے سلسلے میں، ریاست کے چیف سکریٹری اور ڈائریکٹرجنرل آف پولیس کو نوٹس جاری کیے ہیں۔
کمیشن نے ایک بیان میں کہاکہ ریاست میں پچھلے ایک سال کے دوران مبینہ طور پر 80 ہزار کیس درج کیے گئے ہیں۔ کمیشن نے کہاہے کہ یہ الزامات اور واقعات،سنجیدہ نوعیت کے ہیں، جن سے انسانی حقوق کی خلاف ورزی ظاہر ہوتی ہے۔
کمیشن نے کہاکہ یہ حکومت کا فرض ہے کہ وہ خواتین کے حقوق کی حفاظت کرے اور قصورواروں کو ہر حال میں سزا دے۔ کمیشن نے اسی طرح راجستھان کے چیف سکریٹری اور ڈائریکٹر جنرل آف پولیس کو بھی ہدایت دی ہےکہ وہ اِن واقعات کی تحقیقات کریں اور چار ہفتے کے اندر اندر کارروائی رپورٹ داخل کریں۔
