جموں: جموں کے مضافاتی علاقے کے ایک گاؤں سے زنگ آلود مارٹر شیل برآمد ہوا، جسے بعد میں کنٹرولڈ دھماکے کے ذریعے ناکارہ بنا دیا گیا۔ حکام کے مطابق اس کارروائی میں کوئی جانی یا مالی نقصان نہیں ہوا۔ یہ ناکارہ گولہ بشناس علاقے کے کوتھے سنیان گاؤں میں اس وقت ملا جب مزدور زیرِ تعمیر مکان کی بنیاد میں مٹی بھرنے کا کام کر رہے تھے۔
اطلاع ملنے پر سکیورٹی اہلکار اور بم ناکارہ بنانے والا دستہ موقع پر پہنچ گیا اور علاقے کو حفاظتی حصار میں لے لیا۔ بعد ازاں دھماکہ خیز مواد کو ایک کھلے مقام پر منتقل کیا گیا، جہاں ماہرین نے کنٹرولڈ دھماکے کے ذریعے اسے محفوظ انداز میں ناکارہ بنا دیا۔
