نئی دہلی: ریٹنگ ایجنسی موڈیز انویسٹرس سروسز نے ہندوستانی معیشت کی حالت میں بہتری کے پیش نظر ملک کے بینکنگ سیکٹر کے لیے اپنے نقطہ نظر کو 'منفی' سے 'مستحکم' قرار دیا ہے۔ موڈیز کا اندازہ ہے کہ ہندوستان کی معیشت میں اگلے ڈیڑھ سال تک بہتری جاری رہے گی۔

اس نے مارچ 2022 کو ختم ہونے والے موجودہ مالی سال میں ہندوستان کی مجموعی گھریلو پیداوار (جی ڈی پی) سال بہ سال 9.3 فیصد بڑھنے کا اندازہ لگایا ہے۔

ایجنسی نے اگلے مالی سال میں جی ڈی پی کی شرح نمو 7.9 فیصد رہنے کا تخمینہ لگایا ہے۔

موڈیز کا کہنا ہے کہ معاشی سرگرمیوں میں بہتری سے بینکوں کے قرضوں کے کاروبار میں بہتری آئے گی۔ اس کا اندازہ ہے کہ بینک کریڈٹ سالانہ 10 سے 13 فیصد کی شرح سے بڑھ سکتا ہے۔

مالیاتی خدمات کے محکمہ (ڈی ایف سی)، وزارت خزانہ نے ایک بیان میں بتایا کہ کریڈٹ ریٹنگ ایجنسی موڈیز نے بتایا ہے کہ "معیشت کی سرگرمیوں کو بہتر بنانے سے ہندوستان میں قرضوں کی وصولی کی بلند سطح ہو جائے گی اور اس سے بینکوں کے سرمائے اور منافع کی پوزیشن میں بہتری آئے گی۔ " (ایجنسی ان پٹ )