نئی دہلی

 وزیرِ اعظم نریندر مودی کو اسرائیلی پارلیمنٹ کنیسٹ کی جانب سے “اسپیکر آف دی کنیسٹ میڈل” سے نوازا گیا ہے، جو اسرائیل کے اعلیٰ ترین پارلیمانی اعزازات میں سے ایک ہے۔ یہ بات وزیرِ دفاع راج ناتھ سنگھ نے جمعرات کو کہی۔

ایکس  پر ایک پوسٹ میں راج ناتھ سنگھ نے وزیرِ اعظم نریندر مودی کو اس باوقار اعزاز کے حصول پر مبارکباد دی۔انہوں نے لکھا كہ وزیرِ اعظم شری مودی  کو کنیسٹ کی جانب سے اسپیکر آف دی کنیسٹ میڈل سے نوازے جانے پر دلی مبارکباد، جو اسرائیل کے اعلیٰ ترین پارلیمانی اعزازات میں سے ایک ہے۔وزیرِ دفاع نے مزید کہا کہ یہ ممتاز اعزاز اُس گہرے اعتماد، باہمی احترام اور اسٹریٹجک ہم آہنگی کی عکاسی کرتا ہے جو آج ہندوستان-اسرائیل شراکت داری کی پہچان ہے۔

انہوں نے کہا كہ یہ ممتاز اعزاز اُس گہرے اعتماد، باہمی احترام اور اسٹریٹجک ہم آہنگی کی عکاسی کرتا ہے جو آج ہندوستان-اسرائیل شراکت داری کی بنیاد ہے۔ یہ ہمارے ملک اور ہر ہندوستانی کے لیے فخر کا لمحہ ہے۔ مرکزی وزیرِ زراعت و کسان بہبود شِوراج سنگھ چوہان نے بھی وزیرِ اعظم کو ملنے والے اس اعزاز پر فخر اور خوشی کا اظہار کیا۔

انہوں نے ایکس پر لکھا كہ ہم سب کے لیے فخر اور مسرت کا لمحہ ہے کہ ہمارے محبوب وزیرِ اعظم شری  مودی جی کو اسرائیلی پارلیمنٹ کے خطاب کے دوران ‘میڈل آف دی کنیسٹ’ سے نوازا گیا ہے۔

انہوں نے اسے دنیا کی دو قدیم ترین اقوام کے درمیان مضبوط ہوتے تعلقات کی علامت قرار دیا، جو حالیہ برسوں میں وزیرِ اعظم شری نریندر مودی کی قیادت میں مزید مستحکم ہوئے ہیں۔ انہوں نے امید ظاہر کی کہ یہ اعزاز دونوں ممالک کے درمیان تعلقات کو مزید مضبوط کرے گا۔

انہوں نے کہا كہ یہ دنیا کی دو قدیم ترین اقوام کے درمیان گہرے ہوتے تعلقات کی علامت ہے، جو حالیہ برسوں میں وزیرِ اعظم شری نریندر مودی جی کی مؤثر قیادت میں مزید مضبوط ہوئے ہیں۔ دعا ہے کہ یہ اعزاز دونوں ممالک کے درمیان دوستی، تعاون اور مشترکہ اقدار کے رشتے کو مزید مضبوط کرے اور آئندہ برسوں میں مزید وسیع تعاون کی راہ ہموار کرے۔

اسپیکر آف دی کنیسٹ میڈل اسرائیلی پارلیمنٹ کی جانب سے دیا جانے والا ایک نہایت باوقار اعزاز ہے، جو اُن شخصیات کو دیا جاتا ہے جنہوں نے دوطرفہ تعلقات کو مضبوط بنانے اور جمہوری اقدار کے فروغ میں نمایاں کردار ادا کیا ہو۔

اسرائیلی پارلیمنٹ نے وزیرِ اعظم نریندر مودی کو ہندوستان اور اسرائیل کے درمیان اسٹریٹجک تعلقات کو مضبوط بنانے میں ان کی “ذاتی قیادت کے ذریعے غیر معمولی خدمات” کے اعتراف میں “اسپیکر آف دی کنیسٹ میڈل” عطا کیا۔ میڈل وصول کرنے کے بعد وزیرِ اعظم مودی نے اس اعزاز پر شکریہ ادا کرتے ہوئے کہا کہ یہ کسی فرد کے لیے نہیں بلکہ ہندوستان اور اسرائیل کی دیرینہ دوستی کے لیے ایک خراجِ تحسین ہے۔

انہوں نے ایکس پر کہا كہ مجھے میڈل آف دی کنیسٹ حاصل کرنے پر بے حد اعزاز محسوس ہو رہا ہے۔ میں اسے عاجزی اور شکرگزاری کے ساتھ قبول کرتا ہوں۔ یہ اعزاز کسی فرد کے لیے نہیں بلکہ ہندوستان اور اسرائیل کے درمیان قائم دیرینہ دوستی کے لیے ہے۔ یہ اُن مشترکہ اقدار کی عکاسی کرتا ہے جو ہماری دونوں قوموں کی رہنمائی کرتی ہیں۔