نئی دہلی: بھارتیہ جنتا پارٹی، کانگریس اور عام آدمی پارٹی نے اتوار کے روز دہلی میونسپل کارپوریشن (ایم سی ڈی) کے ضمنی انتخابات کے لیے اپنے امیدواروں کا اعلان کر دیا، جو 30 نومبر کو منعقد ہوں گے۔

دہلی بی جے پی کے صدر ویرندر سچدیوا نے کہا کہ امیدواروں کا انتخاب وسیع مشاورت کے بعد کیا گیا ہے۔
انہوں نے کہا، "ہم نے یہ یقینی بنایا کہ امیدواروں کا انتخاب قابلیت اور جیتنے کی صلاحیت کی بنیاد پر ہو۔ مرکزی، ریاستی اور ایم سی ڈی حکومت میں ہمارے کام کی بنیاد پر ہم زبردست اکثریت سے کامیاب ہوں گے۔"

بی جے پی کے اعلان کردہ امیدواروں میں آٹھ خواتین شامل ہیں۔ پارٹی کی جانب سے جے پال سنگھ سرل منڈکا سے، انیتا جین شالی مار باغ بی سے، وینا اسیجا اشوک وہار سے، سمن کمار گپتا چاندنی چوک سے، سنیل شرما چاندنی محل سے، منیشا راجپال سہراوت دوارکا بی سے، اور ریکھا رانی دھیچاؤ کلاں سے انتخاب لڑیں گی۔

دیگر بی جے پی امیدواروں میں چندرکانتا شیوانی (نرائنا)، روہنی راج (دکشن پوری)، شبھرجیت گوتم (سنگم وہار اے)، انجم منڈل (گریٹر کیلاش)، اور سرلا چودھری (ونود نگر) شامل ہیں۔

کانگریس کی امیدواروں کی فہرست میں پانچ خواتین شامل ہیں۔
کانگریس کی جانب سے مکیش منڈکا سے، سريتا کماری شالی مار باغ بی سے، وشاکھا رانی اشوک وہار سے، اجے کمار جین چاندنی چوک سے، کنور شہزاد احمد چاندنی محل سے، سميتہ ملک دوارکا بی سے، رشمے شرما دھیچاؤ کلاں سے، منوج تنوار نرائنا سے، سریش چودھری سنگم وہار اے سے، وکرم دکشن پوری سے، شیکھا کپور گریٹر کیلاش سے، اور ونے شنکر دوبے ونود نگر سے انتخاب لڑیں گے۔

دہلی کانگریس کے صدر دیویندر یادو نے کہا کہ عوام کا مینڈیٹ اقتدار میں بیٹھے لوگوں کے غرور کو توڑ دے گا اور کانگریس کو تاریخی کامیابی دلائے گا۔
انہوں نے ایک پوسٹ میں لکھا، "ایم سی ڈی ضمنی انتخابات کے لیے آج اعلان کردہ تمام کانگریس امیدواروں کو دلی مبارکباد اور کامیابی کے لیے نیک تمنائیں۔ دہلی کے عوام بی جے پی اور عام آدمی پارٹی کی بدانتظامی، جھوٹے وعدوں اور کھوکھلی بیان بازی سے تنگ آ چکے ہیں، اور اب وہ کانگریس کی طرف امید بھری نگاہوں سے دیکھ رہے ہیں۔"

اسی روز عام آدمی پارٹی نے بھی اپنے امیدواروں کا اعلان کیا۔ ان کے لیے یہ ضمنی انتخابات خاص سیاسی اہمیت رکھتے ہیں کیونکہ یہ سال کے شروع میں اسمبلی انتخابات میں ناکامی کے بعد عوامی رائے کو جانچنے کا ایک بڑا موقع سمجھا جا رہا ہے۔

عام آدمی پارٹی کی جانب سے رام سروپ کنوجیا دکشن پوری سے، انوج شرما سنگم وہار اے سے، عیشنا گپتا گریٹر کیلاش سے، گیتا راوت ونود نگر سے اور ببیٹا اہلاوت شالی مار باغ بی سے انتخاب لڑیں گی۔

اسی طرح سیما وکاس گویل اشوک وہار سے، ہرش شرما چاندنی چوک سے، مدثر عثمان قریشی چاندنی محل سے، راج بالا سہراوت دوارکا بی سے، انل لکرا منڈکا سے، راجن اروڑا نرائنا سے، اور کشور چوہان دھیچاؤ کلاں سے امیدوار ہوں گے۔

امیدواروں کے کاغذاتِ نامزدگی جمع کرانے کی آخری تاریخ 10 نومبر ہے، جبکہ ان کی جانچ 12 نومبر کو ہوگی۔ نامزدگی واپس لینے کی آخری تاریخ 15 نومبر مقرر کی گئی ہے۔

قابل ذکر ہے کہ پہلے بی جے پی کے پاس 12 میں سے 9 وارڈ تھے، جبکہ باقی تین عام آدمی پارٹی کے پاس تھے۔ شالی مار باغ بی وارڈ سے ریکھا گپتا کونسلر تھیں، جنہوں نے رواں سال اسمبلی انتخابات میں کامیابی کے بعد یہ نشست چھوڑ دی، اور بعد ازاں دہلی کی وزیرِ اعلیٰ بن گئیں۔