امراوتی:آندھرا پردیش کے وزیر اعلیٰ این. چندرا بابو نائیڈو نے ہفتہ کو کہا کہ تیلگو زبان نسل در نسل زندہ رہنی چاہیے اور اس کی عظمت کو فروغ ملتا رہنا چاہیے۔ تیلگو زبان کے دن کے موقع پر ’ایکس‘ پر ایک پوسٹ میں نائیڈو نے کہا کہ ڈیجیٹل دور میں بچوں کو تیلگو پڑھنا اور اس کے حروف لکھنا سیکھنا چاہیے۔

انہوں نے کہا، ’’تیلگو صرف بول چال میں ہی نہیں بلکہ تحریری شکل میں بھی نسل در نسل زندہ رہنی چاہیے۔ تیلگو کی عظمت کو فروغ ملنا چاہیے۔‘‘ وزیر اعلیٰ نے تیلگو زبان پڑھنے اور لکھنے کی تعلیم دینے والی ایک ایپ لانچ کیے جانے کی بھی تعریف کی۔ ان کے مطابق یہ ایپ مصنوعی ذہانت (اے آئی) کی مدد سے بچوں کی لکھائی کا تجزیہ کرکے انہیں لکھنا سکھاتی ہے۔ نائیڈو نے کہا کہ ٹیکنالوجی کو تیلگو زبان سے الگ نہیں کیا جانا چاہیے، بلکہ دونوں کو ساتھ لے کر آگے بڑھنا چاہیے۔