نئی دہلی۔ منی پور یوم ریاست کے موقع پر وزیر اعظم نریندر مودی نے بدھ کو منی پور کے عوام کو مبارکباد دی اور بھارت کی ترقی میں ان کے کردار کو سراہا۔ انہوں نے کھیل ثقافت اور قدرت سے ریاست کے گہرے لگاؤ کو اجاگر کیا۔

وزیر اعظم نے ایکس پر پیغام دیتے ہوئے کہا کہ منی پور یوم ریاست کے موقع پر میں ریاست کی اپنی بہنوں اور بھائیوں کو دل کی گہرائیوں سے مبارکباد پیش کرتا ہوں۔ منی پور کے لوگ بھارت کی ترقی کو مضبوط بنا رہے ہیں۔

انہوں نے ریاست کے روشن مستقبل کے لیے نیک خواہشات کا اظہار کیا۔

انہوں نے لکھا کہ اس ریاست کا کھیل ثقافت اور فطرت سے لگاؤ قابل تعریف ہے۔ دعا ہے کہ آنے والے وقت میں ریاست ترقی کے راستے پر آگے بڑھتی رہے۔

ایک اور پیغام میں وزیر اعظم نے تریپورہ کی بھی تعریف کی اور کہا کہ وہاں روایت اور جدیدیت کا حسین امتزاج پایا جاتا ہے اور اس کے عوام بھارت کی ترقی میں حصہ ڈال رہے ہیں۔

ایکس پر وزیر اعظم نے لکھا کہ تریپورہ یوم ریاست کے موقع پر وہاں کے عوام کو مبارکباد۔ تریپورہ کا سفر روایت اور جدیدیت کے خوبصورت امتزاج سے بھرا ہوا ہے۔

انہوں نے کہا کہ ریاست نے مختلف شعبوں میں نمایاں تبدیلیاں دیکھی ہیں اور اس کے لوگ بھارت کی ترقی کی رفتار کو تیز کر رہے ہیں۔ میں دعا کرتا ہوں کہ آنے والے وقت میں تریپورہ خوب ترقی کرے۔

مرکزی وزیر داخلہ امت شاہ نے بھی منی پور کے عوام کو مبارکباد دی اور ریاست کو اپنا فخر قرار دیا۔

انہوں نے ایکس پر لکھا کہ منی پور کی بہنوں اور بھائیوں کو یوم ریاست کی مبارکباد۔ شاندار ثقافت اور باصلاحیت لوگوں سے مالا مال منی پور ہمیشہ ہمارا فخر رہا ہے۔ دعا ہے کہ ریاست آنے والے وقت میں نئی بلندیوں کو چھوئے۔

تریپورہ اور منی پور کو نارتھ ایسٹرن ریجن ری آرگنائزیشن ایکٹ 1971 کے تحت 21 جنوری 1972 کو مکمل ریاست کا درجہ دیا گیا تھا۔ اس سے پہلے تریپورہ اور منی پور مرکز کے زیر انتظام علاقے تھے۔