نئی دہلی
کشمیر کے ممتاز مذہبی رہنما میرواعظ عمر فاروق نے پیر کے روز کشمیری پنڈت برادری کو کھیر بھوانی میلے کی مبارکباد پیش کی۔
میرواعظ عمر فاروق نے سوشل میڈیا پلیٹ فارم ‘ایکس’ پر ایک پوسٹ میں کہا کہ میں اپنے کشمیری پنڈت بھائیوں کو اس مقدس موقع پر دلی مبارکباد پیش کرتا ہوں۔ میری دعا ہے کہ یہ دن باہمی احترام، بھائی چارے اور کشمیر کی اس مشترکہ تہذیبی وراثت کی روح کو دوبارہ زندہ کرے، جو ہمیں اپنے بزرگوں سے ورثے میں ملی ہے۔
سینکڑوں کشمیری پنڈت رگنیا دیوی مندر میں پوجا پاٹ کے لیے جمع ہوئے۔ یہ مندر جموں و کشمیر کے گاندربل ضلع کے علاقے تلہ مُلا میں واقع ہے اور عام طور پر کھیر بھوانی مندر کے نام سے جانا جاتا ہے۔
.webp "میر واعظ نے کھیر بھوانی میلے کے لیے نیک خواہشات کا اظہار کیا")
