جے پور

 نہر گڑھ بایئو لوجیکل پارک  میں حکام نے شہر میں جاری شدید گرمی کی لہر سے جنگلی حیات کو محفوظ رکھنے کے لیے خصوصی اقدامات کیے ہیں۔جنگلی جانوروں، خاص طور پر شیروں، چیتوں اور ریچھوں کو صبح کے وقت باہر چھوڑنے سے پہلے نہلایا جا رہا ہے تاکہ انہیں گرمی سے راحت مل سکے۔

پارک میں رات کے ٹھکانوں کو جمبو کولرز سے لیس کیا گیا ہے، جبکہ نمائش کے علاقوں میں پانی کے اسپرنکلرز نصب کیے گئے ہیں۔سینئر وائلڈ لائف ویٹرنری ڈاکٹر اروند ماتھر نے کہا کہ پارک میں شدید گرمی سے جانوروں کو بچانے کے لیے خصوصی انتظامات کیے گئے ہیں۔ جنگلی جانوروں، خاص طور پر شیر، چیتا اور ریچھ کو صبح باہر چھوڑنے سے پہلے نہلایا جاتا ہے۔ ان کے رات کے ٹھکانوں میں جمبو کولرز لگائے گئے ہیں، جبکہ نمائش کے علاقوں میں واٹر اسپرنکلرز، رین گنز اور پانی کے تالاب موجود ہیں تاکہ جانور ٹھنڈک محسوس کر سکیں۔

ماتھر نے کہا کہ پارک کے جانوروں کو شدید گرمی سے بچانے کے لیے تفصیلی اور جامع اقدامات کیے جا رہے ہیں۔انہوں نے مزید بتایا کہ جانوروں کی خوراک میں بھی تبدیلی کی گئی ہے؛ ریچھوں کو ٹھنڈا دودھ اور فروٹ آئس کریم دی جا رہی ہے، سبزی خور جانوروں کو کھیرا، کریلا اور تربوز فراہم کیا جا رہا ہے، جبکہ دریائی گھوڑوں کو بھی تربوز دیا جا رہا ہے۔ شیر اور چیتے کے بچوں کو معمول کی خوراک کے علاوہ چکن بھی دیا جا رہا ہے۔ جو رات کے ٹھکانے تیز دھوپ کی زد میں آتے ہیں، انہیں سبز جال سے ڈھانپ دیا گیا ہے تاکہ ماحول ٹھنڈا رہے۔ تمام جانوروں کو کیڑے مار ادویات، وٹامنز، منرلز، کیلشیم سپلیمنٹس اور اینٹی اسٹریس ادویات دی گئی ہیں، جبکہ ان کے پانی میں گلوکوز بھی شامل کیا جا رہا ہے۔

 نہر گڑھ بایئو لوجیکل پارک اپنی کامیاب بریڈنگ پروگرامز کے لیے بھی ملک بھر میں مشہور ہو چکا ہے، اور اس وقت انتظامیہ دو مزید بچوں کی دیکھ بھال میں مصروف ہے۔ اس سے قبل ٹائیگرنی "رانی" نے تین بچوں کو جنم دیا تھا۔یہ پارک جنگلی حیات کی کامیاب افزائش کے میدان میں ایک نمایاں نام بنتا جا رہا ہے، خاص طور پر بھیڑیوں کی افزائش میں اسے اعلیٰ مقام حاصل ہے۔

حال ہی میں ایک ریچھ نے بھی بچوں کو جنم دیا ہے۔