نئی دہلی
کانگریس کے سینئر رہنما سچن پائلٹ نے منگل کے روز ملک کے موجودہ امتحانی نظام پر تنقید کرتے ہوئے کہا کہ بار بار سامنے آنے والی بے ضابطگیوں نے لاکھوں طلبہ کو متاثر کیا ہے اور عوام کے اعتماد کو کمزور کیا ہے۔
کوٹا میں صحافیوں سے گفتگو کرتے ہوئے پائلٹ نے کہا کہ اہم امتحانات میں ہونے والی گڑبڑیوں نے ملک بھر کے طلبہ اور ان کے اہلِ خانہ کو تشویش اور پریشانی میں مبتلا کر دیا ہے۔
انہوں نے نیٹ کے پرچہ لیک ہونے کے معاملے کا ذکر کرتے ہوئے کہا کہ اس سے تقریباً 22 لاکھ طلبہ کا اعتماد متزلزل ہو گیا ہے۔پائلٹ نے الزام عائد کیا کہ مرکزی تحقیقاتی بیورو (سی بی آئی) سے تحقیقات کرانے کے احکامات کے باوجود کسی کی جوابدہی طے نہیں کی گئی اور اب تک کوئی ٹھوس کارروائی سامنے نہیں آئی۔
انہوں نے کہا کہ لاکھوں طلبہ اور ان کے خاندانوں کو امتحانی نظام کی خامیوں کا خمیازہ بھگتنا پڑا ہے، جبکہ حکومت اپنی ذمہ داری سے بچنے کی کوشش کر رہی ہے۔سچن پائلٹ نے مزید کہا کہ راہل گاندھی کی مہم کا مقصد نوجوانوں کے جذبات سے جڑنا اور ان کے مستقبل سے متعلق خدشات کو دور کرنا ہے۔
انہوں نے بتایا کہ راہل گاندھی آج کوٹا میں طلبہ کے ساتھ براہِ راست مکالمہ کریں گے۔
.webp "امتحانی نظام میں بے ضابطگیوں سے عوام کا اعتماد ختم ہوا: پائلٹ")
