نئی دہلی: مڈل ایسٹ میں جاری جنگ کی وجہ سے دنیا بھر میں توانائی کا بحران گہرا رہا ہے۔ ایران، اسرائیل اور امریکہ کے درمیان تنازع کے اثرات بھارت پر بھی واضح طور پر محسوس کیے جا رہے ہیں، جہاں تیل اور گیس کی سپلائی کے حوالے سے خدشات بڑھ گئے ہیں۔ اسی دوران را کے سابق چیف امر جیت سنگھ دُولت نے اہم بیان دیا ہے۔ ANI کی رپورٹ کے مطابق انہوں نے کہا کہ بھارت کے ایران کے ساتھ پرانے اور مضبوط تعلقات ہیں۔

امر جیت سنگھ دلت نے کہا: ہم ہمیشہ ایران کے ساتھ رہے ہیں اور ہمارے تعلقات کافی پرانے ہیں۔" انہوں نے یہ بھی کہا کہ موجودہ حالات میں امریکہ اور اسرائیل کے ساتھ جاری تنازع میں ایران کی کامیابی ممکن ہے۔ تاہم، انہوں نے اس پورے واقعے کو افسوسناک قرار دیا اور کہا کہ جو کچھ بھی ابھی ہو رہا ہے، وہ تشویشناک ہے۔

یہ بیان ایسے وقت میں آیا ہے جب مڈل ایسٹ میں بڑھتے ہوئے حملوں کے باعث عالمی سطح پر تیل اور گیس کی قیمتوں میں اضافے کا خطرہ موجود ہے، جس کا اثر بھارت سمیت کئی ممالک پر پڑ سکتا ہے۔