دبئی
ایران کی پارلیمنٹ کے اسپیکر محمد باقر قالیباف نے جمعرات کو خبردار کیا کہ لبنان میں حزب اللہ کے خلاف اسرائیلی حملوں کے جاری رہنے کی صورت میں "واضح قیمت چکانی پڑے گی اور سخت ردعمل دیا جائے گا۔
محمد باقر قالیباف نے یہ انتباہ سوشل میڈیا پلیٹ فارم "ایکس" پر ایک پیغام میں دیا۔ انہوں نے دیگر ایرانی حکام کی طرح اس بات پر زور دیا کہ دو ہفتوں کی جنگ بندی لبنان تک بھی پھیلی ہوئی ہے، جسے اسرائیل اور امریکہ دونوں مسترد کر چکے ہیں۔
انہوں نے لکھا کہ جنگ بندی کی خلاف ورزی کا واضح اور سخت جواب دیا جائے گا۔ فوری طور پر آگ بجھائی جائے۔
قالیباف کے بارے میں یہ بھی کہا جا رہا ہے کہ وہ ممکنہ طور پر مذاکرات کار کے طور پر سامنے آ سکتے ہیں اور اس ہفتے کے آخر میں پاکستان کے دارالحکومت اسلام آباد میں امریکی نائب صدر جے ڈی وینس سے ملاقات کر سکتے ہیں۔
