نئی دہلی: ہندوستان نے ترکی اور شام میں زلزلے سے ہونے والے جانی و مالی نقصان پر نہ صرف گہرے رنج و غم کا اظہار کیا ہے بلکہ ان کی مدد کرنے کا اعلان بھی کیا ہے۔ اس کے پیش نظر این ڈی آر ایف کی ٹیم تربیت یافتہ ڈاگ اسکواڈ اور ضروری سامان کے ساتھ غازی آباد کے ہنڈن ہوائی اڈے سے ترکی کے زلزلہ متاثرہ علاقے میں تلاشی مہم کے لیے روانہ ہوئی اور ترکی پہنچی۔

این ڈی آر ایف غازی آباد کے ڈی آئی جی (آپریشن اینڈ ٹریننگ) محسن شہیدی نے کہا کہ ترکی اور شام میں آنے والے خوفناک زلزلے کی وجہ سے بہت سے لوگوں کی موت ہوئی ہے۔ اس کے پیش نظر حکومت ہند نے این ڈی آر ایف کی دو ٹیمیں وہاں بھیجنے کا فیصلہ کیا ہے۔ انڈیا انرجی ویک کا افتتاح کرنے آئے وزیر اعظم نریندر مودی نے اپنی تقریر کا آغاز ترکی کی صورتحال پر دکھ کا اظہار کرتے ہوئے کیا۔

#WATCH उत्तर प्रदेश: प्रशिक्षित डॉग स्क्वॉड और आवश्यक उपकरणों के साथ NDRF की टीम गाज़ियाबाद के हिंडन हवाई अड्डे से तुर्की के भूकंप प्रभावित क्षेत्र में खोज कार्यों के लिए रवाना हुई।#TurkeyEarthquake pic.twitter.com/dz3vplXffx

— ANI_HindiNews (@AHindinews) February 7, 2023

انہوں نے کہا کہ ترکی میں زلزلے سے بہت سے لوگوں کی المناک موت اور بڑے نقصان کی اطلاعات ہیں۔ ہم متاثرین کے ساتھ ہیں اور ہر ممکن مدد فراہم کرنے کے لیے تیار ہیں۔ خاص بات یہ ہے کہ ترکی ہمیشہ بین الاقوامی فورمز پر ہندوستان مخالف موقف اپناتا رہا ہے۔ اس کے باوجود آفت زدگان کو ہر ممکن مدد کی یقین دہانی کراتے ہوئے پی ایم مودی نے مہربانی کا مظاہرہ کرتے ہوئے دنیا کو انسانی فلاح و بہبود کا پیغام دیا ہے۔ پی ایم مودی کی ہدایت پر مدد فراہم کی جارہی ہے۔

India's Humanitarian Assistance and Disaster Relief (HADR) capabilites in action.

The 1st batch of earthquake relief material leaves for Türkiye, along with NDRF Search & Rescue Teams, specially trained dog squads, medical supplies, drilling machines & other necessary equipment. pic.twitter.com/pB3ewcH1Gr

— Arindam Bagchi (@MEAIndia) February 6, 2023

انہوں نے سوشل میڈیا پر لکھا، 'مجھے شدید دکھ ہے کہ شام کو بھی تباہ کن زلزلے سے بہت نقصان پہنچا ہے۔ میں اس سے متاثرہ لوگوں اور ان کے اہل خانہ کے تئیں اپنی گہری تعزیت کا اظہار کرتا ہوں۔ ہم اس مشکل وقت میں شامی عوام کی مدد کے لیے تیار ہیں۔ بنگلور میں مختلف پروگراموں کی مصروفیت کے باوجود پی ایم مودی کی ہدایت پر دہلی میں زلزلہ سے متاثرہ ترکی اور شام کو مدد فراہم کرنے کا فیصلہ کیا گیا۔ میٹنگ کی صدارت پی ایم او کے اسپیشل سکریٹری پی کے مشرا نے کی۔

#WATCH | As you know, a massive earthquake took place in Turkey and Syria. The Government of India as a measure of HADR (Humanitarian Assistance & Disaster Relief) operations, has taken a decision to send two teams of NDRF to Turkey: Mohsen Shahedi, DIG, Operation & Training NDRF pic.twitter.com/yaMCVIcCzs

— ANI (@ANI) February 7, 2023

کابینہ سکریٹری کے علاوہ وزارت داخلہ، وزارت دفاع، وزارت خارجہ اور کچھ دیگر وزارتوں کے افسران بھی اس میں موجود تھے۔ اس میں نیشنل ڈیزاسٹر ریسپانس فورس (این ڈی آر ایف) کی ٹیم کے ساتھ محکمہ صحت کے کارکنوں کے ساتھ آفت ناگہانی میں استعمال ہونے والے امدادی سامان بھیجنے کا فیصلہ کیا گیا ہے۔

بتایا گیا ہے کہ این ڈی آر ایف کے 100 تربیت یافتہ اہلکاروں کی دو ٹیمیں، سرچ آپریشن میں تربیت یافتہ کتوں اور زلزلے کی تباہی میں کارآمد ثابت ہونے والے آلات ترکی بھیجنے کے لیے تیار ہیں۔ میڈیکل ٹیم میں ڈاکٹروں اور نرسوں کے علاوہ ضروری ادویات کی کھیپ بھی بھیجی جائے گی۔اس بیچ ترکی نے مدد کرنے پر ہندوستان کو 'دوست' قرار دیاہے۔ ترکی نے 24 گھنٹوں کے دوران ترکی میں آنے والے تین تباہ کن زلزلوں کے متاثرین کی مدد اور فنڈز فراہم کرنے میں ہندوستان کی سخاوت کا شکریہ ادا کیا ہے اور اسے "دوست" قرار دیا ہے۔ ہندوستان میں ترکی کے سفیر فرات سنیل نے کہا، ’’آپ کا شکریہ، اپنا وہ ہے جو وقت پر کام آئے۔ قبل ازیں مرکزی وزیر مملکت برائے امور خارجہ وی مرلی دھرن نے ترکی کے سفارت خانے کا دورہ کیا اور تعزیت پیش کی۔