ہندوستان میں مسلم کمیونٹی ایک مجوزہ ویکنگ اپ امریکہ ٹور(Waking Up America Tour)سے پریشان ہیں، جس کا آغاز  امریکہ میں سب سے تیزی سے بڑھتے ہوئے اسلامو فوبیہ خطرہ کے طور پر ہندوتوا کو اجاگر کرنے کے لیے کیا جائے گا۔ جس کا آغازآئندہ 6 نومبر2022 کو امریکہ کے مینیسوٹا شہر سے کیا جائے گا۔

ایک امریکی ادارہ اسپائر(ASPAIRE)یعنی مذہبی انتہاپسندوں کی دراندازی سے امریکہ کو بچانے کے لیے اتحاد (Alliance to Save and Protect America from Infiltration by Religious Extremists-ASPAIRE)  کی طرف سے وسیع پیمانے پر پھیلائے جانے والے فلائر، اس ایونٹ کے پیچھے کام کرنے والی تنظیم، سوشل میڈیا پر ذکر کرتی ہے کہ ٹور کےمنیاپولیس اسٹاپ('Minneapolis Stop)میں 6 نومبر2022 کو ایک ٹاک اور فنڈ ریزر مینیسوٹا کا اسلامی مرکز کا انعقاد ہوگا۔

دہلی یونیورسٹی کے مہاراجہ اگرسین کالج میں سیاسیات اور بین الاقوامی تعلقات کی تعلیم دینے والی ٹیچر ڈاکٹر شمائلہ وارثی کا خیال ہے کہ اس طرح کی کانفرنسوں کا مقصد ہندوستان کو بین الاقوامی سطح پر خراب روشنی میں ظاہر کرنا ہے۔ ڈاکٹر شمائلہ نے کہا کہ  یہ کانفرنسیں ہندوستان کی سماجی اور سیاسی حقیقتوں کی انتہائی گمراہ کن تصویر پیش کرتی ہیں اور ہندوستانی مسلمانوں کو اس پروپیگنڈے کا مقابلہ کرنے کے لیے آگے آنا چاہیے۔

 اس کےعلاوہ ان کی سرپرستی ہندوستان کے دشمنوں نے کی ہے تاکہ اختلاف کے بیج بوئے جائیں اور ہندو مسلم رشتہ داری کو نقصان پہنچے۔ مذاکرے میں متنازعہ اسلامی مبلغ امام سراج وہاج شرکت کریں گے۔ سراج وہاج کے بارے میں کچھ رپورٹس میں دعویٰ کیا گیا ہے کہ  وہ 2001 میں ورلڈ ٹریڈ سینٹر پر ہونے والے دہشت گردانہ حملے کے اہم سازشیوں میں سے ایک تھا۔

بروکلین کی مسجد التقوا کے ایک مبلغ وہاج کو خلافت عثمانیہ کو بحال کرنے اور ترکی کو دوبارہ شریعت کے تحت لانے کے رجب طیب اردگان کے منصوبوں کی حمایت کے لیے بھی جانا جاتا ہے۔ ڈاکٹر شمائلہ وارثی نے کہا کہ  یہ حقیقت ہے کہ یہ کانفرنس ہندوستان میں ایک منصوبہ بند مسلم نسل کشی کے جعلی بیانیے کو فروغ دے رہی ہے جس کے ملک کے اندر فرقہ وارانہ ہم آہنگی پر سنگین اثرات مرتب ہو سکتے ہیں۔

انہوں نے مزید کہا کہ ہندوستانی مسلمانوں کو کسی تحفظ کی ضرورت نہیں ہے۔ ہندوستان ایک بہت مضبوط جمہوریت ہے جس میں قانون کی حکمرانی ہے۔

وہیں لکھنؤ سے قانون کی طالبہ سمرین نے کہا کہ حیرت کی بات ہے کہ کچھ لوگ جنہوں نے کبھی ہندوستان کا دورہ نہیں کیا وہ ایک خیالی نسل کشی کے بارے میں بات کر رہے ہیں جب کہ ہندوستان میں مسلمان مکمل آئینی حقوق سے لطف اندوز ہو رہے ہیں اور قومی ترقی میں برابر کے شہری کے طور پر حصہ لے رہے ہیں۔ دریں اثنا، ذرائع کے مطابق ہندوستان کی کئی بڑی مسلم تنظیموں نے اس کانفرنس مذمت کی ہے اور طے شدہ تقریب کے خلاف احتجاج کا منصوبہ بنا رہے ہیں۔